ءبىلىم جانە عىلىم ءمينيسترى ءمۇعالىم تاپشى وڭىرلەرگە ۇزدىك مامانداردى تارتۋ ءۇشىن ارنايى باعدارلاما ازىرلەنەتىنىن مالىمدەدى.
اسحات ايماعامبەتوۆتىڭ ايتۋىنشا، ءمۇعالىم تاپشىلىعى مەن ءبىلىم بەرۋدە ۇلكەن الشاقتىق بايقالاتىن وڭىرلەرگە تالداۋ جۇرگىزىلگەن. ولار اتىراۋ، ماڭعىستاۋ، الماتى جانە تۇركىستان وبلىستارى بولىپ تانىلدى، دەپ حابارلايدى Almaty-akshamy.kz
«بۇل وڭىرلەرگە جوعارى وقۋ ورنىن بىتىرگەن ەڭ ۇزدىك پەداگوگتار تارتىلادى. ولارعا ارنايى الەۋمەتتىك قولداۋ شارالارى ۇسىنىلادى. سونىڭ ىشىندە جالاقىنى ارتتىرۋ بويىنشا ءتيىستى كوەففيسيەنت بەلگىلەۋ، تۇراتىن ءۇيىنىڭ تولەمىن وتەۋ نەمەسە كوممۋنالدىق قىزمەت تولەمىن وتەۋ سياقتى ىنتالاندىرۋ شارالارى قاراستىرىلىپ جاتىر»، – دەدى ايماعامبەتوۆ ۇكىمەت وتىرىسىندا.
سونداي-اق ول 2025 جىلعا قاراي ەلدە شەتەلدىك بەس جوعارى وقۋ ورنىنىڭ فيليالى اشىلاتىنىن حابارلادى.