تەننيسشىلەرىمىزدىڭ باعى جانعالى تۇر!
ۇلتتىق وليمپيادا كوميتەتىنىڭ دەرەگىنشە، وسى كۇندەرى ۇستەل تەننيسىنەن دوحادا XXV ازيا چەمپيوناتى ءوتىپ جاتىر. قازاقستان قۇراماسى قۇرلىقتىق بىرىنشىلىكتىڭ شيرەك فينالىنا شىقتى، دەپ حابارلايدى Almaty-akshamy.kz.
قازاقستان ەرلەر قۇراماسى ۇزدىك سەگىزدىككە ەنگەندىكتەن، 2022 جىلعى الەم چەمپيوناتىنا قاتىسۋعا جولداما دا الدى.
سونداي-اق، ەرەسەكتەر اراسىندا ازيا چەمپيوناتى جانە ازيا ويىندارىندا 1-8 ورىندارعا حالىقارالىق دارەجەدەگى سپورت شەبەرى اتاعى بەرىلەدى.
وسىلايشا قازاقستاندىق ۇستەل تەننيسىنىڭ شەبەرلەرى ايدوس كەنجەعۇلوۆ، الان قۇرمانعالييەۆ، يريسبەك ارتۋكمەتوۆ، اناستاسيا لاۆروۆا، زاۋرەش اكاشيەۆا، سارۆينوز ميركاديروۆا جانە انەل باقىت اتالعان سپورت اتاعىنا ۇسىنىلدى.
قۇراما كوشباسشىسى كيريلل گەراسيمەنكو بۇل اتاققا 2017 جىلى يە بولعان ەدى.