بۇل كۇنى احمەت بايتۇرسىنوۆ دۇنيەگە كەلگەن.
قازاقستاندىق ماماندار 5 قىركۇيەكتى ستۋدەنتتەر كۇنى ەتىپ بەكىتۋگە ۇسىنىس جاسالدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ق ر پرەزيدەنتىنىڭ جارلىعىمەن قازاقستاندا ستۋدەنتتەر كۇنىن بەكىتۋدى ۇسىنامىن. 5 قىركۇيەك - ۇلت اعارتۋشىسى احمەت بايتۇرسىن ۇلىنىڭ تۋعان كۇنى. سوندىقتان وسى داتانى ستۋدەنتتەر كۇنى ەتىپ بەكىتۋدى ۇسىنامىن. تەك قانا بەكىتىپ قانا قويماي، سول كۇنى ستۋدەنتتەرگە اتاقتى عالىمدار ءدارىس وقىسىن. ءوز باسىم ۇلت ۇستازى احمەت بايتۇرسىن ۇلىنىڭ تۋعان كۇنى لايىقتى دەپ ەسەپتەيمىن»، - دەدى ل.گۋميليەۆ اتىنداعى ەۇۋ-نىڭ رەكتورى ەرلان سىدىقوۆ.
سونداي-اق، رەكتور ستۋدەنتتەرگە ارنالعان «تالىمگەر» ۇلتتىق باعدارلاماسىن جاساۋدى ۇسىندى.
«اتالعان باعدارلاما اياسىندا ستۋدەنتتەرگە ارنالعان كورنەكتى ماماندار، عالىمدار جانە سپورت شەبەرلەرىنىڭ قاتىسۋىمەن بىلىكتىلىك كۋرستارى ۇيىمداستىرىلسا. ودان بولەك، ستۋدەنتتەر ۇيىمدارىنىڭ رەبرەندينگى جانە ستۋدەنتتەر وداعىن قۇرۋ ماسەلەسىن قاراستىرۋدى سۇرايمىن. وداق اياسىندا جاستارعا قولداۋعا ارنالعان ءتۇرلى جوبالار قولعا الىنۋى ءتيىس. سول سياقتى ستۋدەنتتەردىڭ ءوزىن ءوزى باسقارۋ شاراسىن دا قايتا قاراستىرعان ءجون. مينيستر ءوز ءسوزىندى ءوزىن ءوزى باسقارۋ ماسەلەسىن ءجيى كوتەرىپ كەلەدى»، - دەيدى ول.
ايتا كەتسەك، بۇگىن ەلورداداعى ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىندە رەسپۋبليكالىق رەكتورلار كەڭەسىنىڭ وتىرىسى ءوتتى. اتالعان جيىندا «جاڭا قازاقستان» تۇجىرىمداماسىنا سايكەس وتاندىق جوعارى ءبىلىم بەرۋدىڭ ساپاسىن ودان ءارى كوتەرۋ ماسەلەلەرى قارالدى.