تەمەكى ەكى شەتەلدىكتى جولدان قالدىردى.
الماتى قالاسى اۋەجايىنداعى جەلىلىك پوليسيا ءبولىمىنىڭ قىزمەتكەرلەرى اۋە كومپانياسى وكىلدەرىنىڭ اكتىسى بويىنشا «الماتى – كۋتايسي» باعىتىنداعى اۋە رەيسىنىڭ ەكى جولاۋشىسىن ءتۇسىرىپ الدى.
كولىك پوليسەيلەرى تەكسەرۋ بارىسىندا 20 جاستاعى ەكى شەتەل ازاماتىن انىقتادى. ولار ۇشاققا وتىرعىزۋ كەزىندە اۋە كەمەسىنىڭ جانىندا تەمەكى شەككەن، دەپ حابارلايدى Almaty-akshamy.kz.
قۇقىق بۇزۋشىلاردىڭ ءارقايسىسىنا 15 اەك (55 380 تەڭگە) ايىپپۇل سالىندى.
ءدال سول كۇنى الماتى اۋەجايىنىڭ كولىك پوليسەيلەرى دە ەكى شەتەلدىك قۇقىق بۇزۋشىنى انىقتادى. 54 جانە 57 جاستاعى ايەلدەر «الماتى – استانا» باعىتىنداعى اۋە رەيسىمەن ۇشۋ كەزىندە دورەكىلىك تانىتىپ، جولاۋشىلاردىڭ تىنىشتىعىن بۇزعان.
قۇقىق بۇزۋشى ايەلدەرگە قاتىستى ۇساق بۇزاقىلىق بويىنشا اكىمشىلىك حاتتاما تولتىرىلىپ، ماتەريال شەشىم قابىلداۋ ءۇشىن سوتقا جولداندى.