ماس شەتەلدىك ازامات ۇشاق بورتىندا قوعامدىق ءتارتىپتى بۇزدى.
بيىلعى جىلدىڭ ءبىرىنشى توقسانىندا كولىكتەگى پوليسيا دەپارتامەنتىنىڭ قىزمەتكەرلەرى 21 441 اكىمشىلىك قۇقىق بۇزۋشىلىقتى انىقتادى، دەپ حابارلايدى aqshamnews.kz Polisia.kz-كە سىلتەمە جاساپ.
ونىڭ ىشىندە الكوگولدىك ىشىمدىكتەر ىشكەنى نەمەسە قوعامدىق ورىندارعا ماساڭ كۇيىندە كەلگەنى ءۇشىن – 1648، ۇساق بۇزاقىلىق جاساعانى ءۇشىن – 163 فاكتى.
ماسەلەن، پحۋكەت - الماتى اۋە رەيسى ۇشىپ كەلگەننەن كەيىن اۋەجايداعى جەلىلىك پوليسيا ءبولىمىنىڭ قىزمەتكەرلەرى ۇشاق بورتىنداعى قوعامدىق ءتارتىپتى بۇزعان جولاۋشىنى اكت بويىنشا ءتۇسىرىپ، ۇستادى.
تەكسەرۋ بارىسىندا كولىك پوليسەيلەرى رەسەي فەدەراسياسىنىڭ 42 جاستاعى ازاماتىن انىقتادى. ول ماساڭ كۇيىندە بولىپ، سالونداعى ءوز ورنىندا كىشى دارەتىن سىندىرعان. قۇقىق بۇزۋشى ق ر اقبتك-نىڭ بىردەن ەكى بابى، ياعني الكوگولدىك ىشىمدىكتەر ءىشۋ نەمەسە قوعامدىق ورىندارعا ماساڭ كۇيىندە كەلۋ جانە ۇساق بۇزاقىلىق بويىنشا اكىمشىلىك جاۋاپكەرشىلىككە تارتىلىپ، 25 اەك مولشەرىندە ايىپپۇل ارقالادى.