ءقازىر ول ماڭعىستاۋ وبلىستىق اۋرۋحاناسىندا جاتىر.
اقتاۋدا ۇشاق اپاتى سالدارىنان اۋىر جاراقات العان 20 جاستاعى قىرعىزستاندىق رينات اسانوۆ ەسىن جيدى، دەپ حابارلايدى aqshamnews.kz
ءقازىر جاس جىگىت ماڭعىستاۋ وبلىستىق اۋرۋحاناسىندا، وندا ونىڭ تاعى ەكى جەرلەسى ەم الىپ جاتىر. بۇعان دەيىن اقتاۋعا ولاردىڭ تۋىستارى، سونداي-اق قىرعىز رەسپۋبليكاسى توتەنشە جاعدايلار مينيسترلىگىنىڭ قۇتقارۋشىلارى مەن مەديسينا قىزمەتكەرلەرى بارعان.
ۆەدومستۆونىڭ حابارلاۋىنشا، ولار زارداپ شەككەن قىرعىزستان ازاماتتارىن جاڭا جىلعا دەيىن وتانىنا قايتارۋعا بار كۇش-جىگەرىن سالادى.
"دارىگەرلەردىڭ ايتۋىنشا، زارداپ شەككەن قالعان ەكى ادامنىڭ جاعدايى تۇراقتى، ءبىراق ولار مەديسينالىق باقىلاۋدى قاجەت ەتەدى. ءىس-شارالار قازاقستان مەن ازەربايجاننىڭ توتەنشە جاعدايلار مينيسترلىگىمەن تىعىز بايلانىستا جۇرگىزىلىپ جاتىر - قىرعىزستان پرەزيدەنتى سادىر جاپاروۆتىڭ جەكە باقىلاۋىندا"، - دەپ اتاپ ءوتتى قىرعىز رەسپۋبليكاسىنىڭ توتەنشە جاعدايلار مينيسترلىگى.