قاراعاندى وبلىسىندا ۇشاق اپاتىنان ەكى ادام قازا بولدى، دەپ حابارلايدى almaty-akshamy.kz.
«30 قىركۇيەك كۇنى قاراعاندى وبلىسىنىڭ بالاپان الاڭىندا وقۋ-جاتتىعۋ ۇشۋىن جاساپ جۇرگەن P2002 ۇلگىسىندەگى UPLA286 ۇشاعى، ۇشىپ شىققان ۋاقىتى 07.46-دان كەيىن بايلانىسقا شىقپادى.
ىزدەستىرۋ جۇمىستارى بارىسىندا قيراعان اۋە كەمەسى جانە قازا بولعان ەكى ادام تابىلدى.
كولىك مينيسترلىگىنىڭ وقيعالاردى تەرگەۋ دەپارتامەنتى اتالعان فاكتى بويىنشا تەرگەۋدى باستادى»، - دەلىنگەن ازاماتتىق اۆياسيا كوميتەتىنىڭ مالىمەتىندە.
كوميتەتتەن ناقتىلاعانداي، اۋە كەمەسى جەرگىلىكتى ۋاقىتپەن ساعات 08.44-تە قاراعاندى وبلىسىنىڭ دوسكەي اۋىلىنان 5 كم جەردە قۇلاعان