قازاقستاننىڭ ءۇش وبلىسىندا اۋا تەمپەراتۋراسىنىڭ كۇرت تومەندەۋىنە (-35...-40°C) بايلانىستى قوعامدىق كولىك پەن ديزەل وتىنىمەن جۇرەتىن كولىكتەردىڭ قوزعالىسىنا ۋاقىتشا شەكتەۋ ەنگىزىلدى، دەپ حابارلايدى aqshamnews.kz «قازاۆتوجولعا» سىلتەمە جاساپ.
شەكتەۋ ەنگىزىلگەن جولدار:
- شىعىس قازاقستان وبلىسى: وسكەمەن، ريددەر، كاتونقاراعاي، سەمەي باعىتتارىنداعى بىرنەشە رەسپۋبليكالىق جول ۋچاسكەلەرى.
- اباي وبلىسى: قالباتاۋ، زايسان، سەمەي باعىتىنداعى اۆتوجولدار.
- جەتىسۋ وبلىسى: ءۇشارالدان شىعىس قازاقستان شەكاراسىنا دەيىنگى جول بولىگى.
شەكتەۋلەر اۋا رايى جاعدايىنا بايلانىستى قويىلىپ، جولداعى قاۋىپسىزدىكتى قامتاماسىز ەتۋ ماقساتىندا قابىلداندى. جۇرگىزۋشىلەرگە ساقتىق شارالارىن ۇستانۋ ۇسىنىلادى.