ۇكىمەتتىڭ 2025 جىلعى 29 قىركۇيەكتەگى قاۋلىسىمەن تۇلعالاردىڭ ساناتتارى بويىنشا دەرەكتەردى ۇسىنۋعا جاۋاپتى مەملەكەتتىك ورگانداردىڭ تىزبەسىنە وزگەرىستەر ەنگىزىلدى، دەپ حابارلايدى Aqshamnews.kz.
اتاپ ايتقاندا، «مىندەتتى الەۋمەتتىك مەديسينالىق ساقتاندىرۋ تۋرالى» 2015 جىلعى 16 قاراشاداعى قازاقستان رەسپۋبليكاسىنىڭ زاڭى 26-بابىنىڭ 1-تارماعىندا جانە 26-1-بابىنىڭ 1-تارماعىنا اتالعان ادامداردىڭ ساناتتارى بويىنشا جانە ەۋرازيالىق ەكونوميكالىق وداققا مۇشە مەملەكەتتەردەن قازاقستان رەسپۋبليكاسىنىڭ اۋماعىندا ۋاقىتشا بولاتىن جانە ەڭبەكشى كوشىپ-قونۋشىلار بولىپ تابىلاتىن شەتەلدىكتەر، سونداي-اق ولاردىڭ وتباسى مۇشەلەرى بويىنشا دەرەكتەردى مىندەتتى الەۋمەتتىك مەديسينالىق ساقتاندىرۋدىڭ اقپاراتتىق جۇيەسىنە ودان ءارى بەرۋ ءۇشىن «ازاماتتارعا ارنالعان ۇكىمەت» مەملەكەتتىك كورپوراسياسى» كوممەرسيالىق ەمەس اكسيونەرلىك قوعامىنا ۇسىنۋعا جاۋاپتى مەملەكەتتىك ورگانداردىڭ تىزبەسىن ايقىندالدى.
ءتىزىمنىڭ بىرنەشە جولدارى جاڭا رەداكسيادا كورسەتىلگەن. ماسەلەن، ەڭبەك جانە الەۋمەتتىك قورعاۋ مينيسترلىگى كەلەسى ساناتتاعى ادامدار بويىنشا دەرەكتەردى ۇسىنۋعا جاۋاپتى:
- سۋبسيديالاناتىن جۇمىس ورىندارىنا جۇمىسقا ورنالاستىرىلعان نەمەسە جۇمىس ورنىنان كاسىپتىك وقۋعا جىبەرىلگەن ادامداردى قوسپاعاندا، جۇمىسسىز رەتىندە تىركەلگەن ادامدار – «ەڭبەك نارىعى» اج.
- مۇگەدەك بالانى (مۇگەدەك بالالاردى) تاربيەلەپ وتىرعان اناعا نەمەسە اكەگە، بالا اسىراپ الۋشىعا، قورعانشىعا (قامقورشىعا) تاعايىندالاتىن جانە تولەنەتىن مەملەكەتتىك جاردەماقىنى جۇمىس ىستەمەيتىن الۋشىلار – «زەينەتاقى جانە جاردەماقى الۋشىلاردىڭ ورتالىقتاندىرىلعان دەرەكتەر بازاسى» اج، «تولەمدەردى وڭدەۋدى ۇيىمداستىرۋ» اج.
- ءبىرىنشى توپتاعى مۇگەدەكتىگى بار ادامعا كۇتىم جاساۋدى جۇزەگە اسىراتىن جۇمىس ىستەمەيتىن مەملەكەتتىك جاردەماقى الۋشىلار – «زەينەتاقى جانە جاردەماقى الۋشىلاردىڭ ورتالىقتاندىرىلعان دەرەكقورى» اۆتوماتتاندىرىلعان اج، «تولەمدەردى وڭدەۋدى ۇيىمداستىرۋ» اج.
- زەينەتاقى تولەمدەرىن الۋشىلار، ونىڭ ىشىندە ۇلى وتان سوعىسىنىڭ ارداگەرلەرى – «زەينەتاقى مەن جاردەماقى الۋشىلاردىڭ ورتالىقتاندىرىلعان دەرەكتەر بازاسى» اۆتوماتتاندىرىلعان اج، «تولەمدەردى وڭدەۋدى ۇيىمداستىرۋ» اج. وسى سانات بويىنشا ق ر سوت اكىمشىلىگى دە جاۋاپتى.
سونىمەن قاتار تىزبە تاعى ءبىر سويلەممەن تولىقتىرىلدى:
-سوڭعى ءۇش اي ىشىندە مىندەتتى زەينەتاقى جارنالارىن تولەمەگەن جانە الەۋمەتتىك ءال -اۋقاتتىڭ داعدارىستىق نەمەسە شۇعىل دەڭگەيلەرىنە جاتاتىن جۇمىس ىستەمەيتىن تۇلعالار – «وتباسىنىڭ سيفرلىق كارتاسى» تالدامالىق شەشىمى.
قاۋلى 2026 جىلعى 1 قاڭتاردان باستاپ قولدانىسقا ەنگىزىلەدى.