ۋرۋگۆاي الاپات اپات الدىندا تۇر

ەل قۇرعاقشىلىقتان كەم دەگەندە 1،8 ملرد دوللار جوعالتۋى مۇمكىن.

ۋرۋگۆاي الاپات اپاتقا ۇشىراۋدىڭ الدىندا تۇر، دەپ حابارلايدى اlmaty-akshamy.kz  Azattyq Ruhy-نا سىلتەمە جاساپ.

ەلدە قاتتى قۇرعاقشىلىق باستالىپ، اۋىز سۋ قورىنىڭ تاۋسىلۋ ءقاۋپى تۋىندادى. كانەلون گراندە جانە سان-فرانسيسكودا سۋ قويمالارى كەۋىپ قالعان. ال كانەلونەس ايماعىنان باسقا، لاۆاللەحتەگى شاحتالار قالاسى دا وتە اۋىر جاعدايدا تۇر. ونداعى اۋىز سۋ قورى تەك وسى ايعا عانا جەتەدى.

«ۋرۋگۆاي قۇرعاقشىلىقتان كەم دەگەندە 1،8 ميلليارد دوللار جوعالتادى دەپ بولجاندى. پايساندا ولكەسىندە قۇرعاقشىلىق سالدارىنان ءىرى قارا مالدىڭ قىرىلۋىنا بايلانىستى توتەنشە جاعداي ەنگىزىلدى»، - دەپ جازادى جەرگىلىكتى باسىلىمدار. 

ۋرۋگۆاي قۇرعاقشىلىقتان امان قالسا دا،  بۇل ەلدەگى اۋىز سۋ قورىن سىني دەڭگەيگە جەتكىزەدى دەگەن بولجام بار. سانيتارلىق قىزمەتتەر (جبب) حالىقتى سۋمەن قامتاماسىز ەتۋ ءۇشىن، اسىرەسە استانالىق ايماقتاعى كانەلون گراندە سۋ قويمالارىندا شۇعىل شارالار قابىلداۋعا ءماجبۇر بولدى.

اۋىر سىناقتان جاڭبىر قۇتقارادى دەگەن بولجام ەلگە ءۇمىت تۋعىزىپ وتىر. سان-فرانسيسكو قالاسىندا، ەلدىڭ ورتالىق بولىگى ميناس قالاسى، لاۆاللەح وڭىرىندە بۇگىن جاڭبىر جاۋادى دەگەن بولجام بار.