الماتى قالاسىنداعى №157 جالپى ءبىلىم بەرەتىن مەكتەپتە قازاقستان رەسپۋبليكاسى پارلامەنتى سەناتىنىڭ دەپۋتاتى، تانىمال جۋرناليست نۇرتورە ءجۇسىپ بايتىلەسۇلىمەن اسەرلى كەزدەسۋ ۇيىمداستىرىلدى. بۇل شاراعا ناۋرىزباي اۋداندىق ءبىلىم ءبولىمىنىڭ باسشىسى قۇسايىنوۆا سالتانات امانگەلدى قىزى مەن مەكتەپ باسشىسى احمەتوۆا سۆەتا اعابەك قىزى دا قاتىستى، دەپ حابارلايدى aqshamnews.kz
جۋرناليستيكا سالاسىندا مول تاجىريبەسى بار، «سارىارقا سامالى» گازەتىنىڭ اگروونەركاسىپ ءجۋرناليستى بولىپ باستاپ، «اق جول قازاقستان»، «جاس الاش»، «ەگەمەن قازاقستان»، «استانا حابارى»، «AIQYN» گازەتتەرىنىڭ باس رەداكتورى قىزمەتتەرىن اتقارعان نۇرتورە ءجۇسىپ بايتىلەس ۇلىنىڭ ءومىر جولى – جاس ۇرپاق ءۇشىن ۇلكەن ۇلگى. قازىرگى تاڭدا سەنات دەپۋتاتى بولىپ وتىرعان تۇلعا ءوزىنىڭ كاسىبي تاجىريبەسىمەن، تۋعان ولكەگە دەگەن سۇيىسپەنشىلىگىمەن جانە ۇلت مۇددەسىنە قىزمەت ەتۋدەگى ۇستانىمىمەن ءبولىسىپ، وقۋشىلارعا رۋحاني ازىق بەردى.
كەزدەسۋ بارىسىندا سەنات دەپۋتاتى تۋعان جەرى، شىعارماشىلىق جانە ەڭبەك جولى تۋرالى اڭگىمەلەدى. وقۋشىلارعا ۇلتتىق قۇندىلىقتاردى قۇرمەتتەۋدىڭ، ادال ەڭبەكتىڭ، بىلىمگە قۇشتارلىقتىڭ ماڭىزدىلىعىن جەتكىزە وتىرىپ، ءوزىنىڭ جۋرناليستىك جانە قوعامدىق قىزمەتتەگى جەتىستىكتەرىن، تاجىريبەلەرىن باياندادى. سونداي-اق، وقۋشىلارمەن ەركىن سۇحبات قۇرىپ، ولاردىڭ ساۋالدارىنا جاۋاپ بەردى. ءوزىنىڭ عيبراتتى اڭگىمەسى ارقىلى وقۋشىلارعا ومىرلىك ساباق بەرە وتىرىپ، رۋحاني كۇش-قۋات، ماقساتىنا جەتۋگە دەگەن تالپىنىس پەن سەنىمدىلىكتىڭ ماڭىزىن ۇعىندىردى.
بۇل كەزدەسۋ جاس بۋىن ءۇشىن ءبىلىم مەن تاربيەگە تولى رۋحاني ساباق بولدى. نۇرتورە ءجۇسىپتىڭ قاجىرلى ەڭبەگى، ەلىمىزگە دەگەن ادال قىزمەتى مەن جاس ۇرپاققا ۇلگى بولارلىق قاسيەتتەرى وقۋشىلارعا ۇلكەن تاجىريبە جيناقتاۋعا جانە بولاشاققا سەنىممەن قاراۋعا جول اشتى.