«تاعزىم» مەموريالىنىڭ اشىلۋى – وتە ماڭىزدى وقيعا. قاڭتار وقيعاسىنىڭ زالالى، اسىرەسە، الماتى قالاسىنا ءتيدى. قانشاما حالىق زارداپ شەكتى، قانشاما عيماراتتاردىڭ استاڭ-كەستەڭى شىقتى. سول كەزدەگى حالىقتىڭ باستان وتكەن جاعداي̆ىن ءتۇسىنىپ، قازا بولعان ازاماتتاردى ەسكە الىپ ءجۇرۋ ءۇشىن جانە مۇنداي̆ وقيعا قاي̆تالانباۋى ءۇشىن مەموريالدىڭ اشىلۋى وتە دۇرىس. سونداي̆-اق، كەي̆ىنگى ۇرپاققا بەرەتىن ۇلكەن تاربيەلىك ءمانى بار.
مەموريال تەك جەكە اۆتوردىڭ كوزقاراسىمەن جاسالعان دۇنيە ەمەس، ونى جاساۋ ءۇشىن باي̆قاۋ جاريالاندى. ول ەلىمىزدەگى ۇزدىك ساۋلەتشىلەر، ۇزدىك ونەر قاي̆راتكەرلەرىنىڭ جوبالارى بوي̆ىنشا سالىنىپ وتىر. مەملەكەت باسشىسى قاسىم-جومارت توقايەۆ مەموريالدىڭ ماڭىزى جوعارى ەكەنىن اشىلۋ سالتاناتىندا اي̆تىپ ءوتتى. سوندىقتان قاڭتار وقيعاسىنىڭ جىلدىعىنا ءساي̆كەس دەر كەزىندە اشىلدى دەپ اي̆تا الامىن.
مەموريالدىڭ ىشىندە قاسىرەتتى كۇندەردىڭ بەلگىسى رەتىندە قارا ءتۇستى جانە جارقىن بولاشاعىمىزدىڭ كەپىلى رەتىندە اق ءتۇستى ءتورتبۇرىش ەلەمەنتتەر بار. سول ءار ەلەمەنتتىڭ بەتىندە قازاق حالقىنىڭ دانا ۇلدارىنىڭ اي̆تقان قاناتتى سوزدەرى جازىلعان. ءوزىم جۇبان مولداعالييەۆ، ءىلياس ەسەنبەرليننىڭ اي̆تىپ-جازعان وسيەتتەرىن كوردىم. ونىڭ ءبارى مەموريالعا كەلگەن ءار ادامعا وي̆ سالادى. بۇل ەسكەرتكىشكە «تاعزىم» دەپ ات بەرىلۋى وتە دۇرىس. كەشەنگە كەلگەن ادامدار وعان تاعزىم ەتىپ، سول كۇندەردى ەسكە الادى.