بۇل جوبا وتباسىلارداعى جاسىرىن زورلىق-زومبىلىق تۇرلەرىن انىقتاۋعا باعىتتالعان، دەپ حابارلايدى aqshamnews.kz
ول زارداپ شەككەندەرگە پسيحولوگيالىق جانە زاڭدىق قولداۋ كورسەتۋ بويىنشا كەشەندى كومەكتى قامتيدى.
«ءار بالا كومەك ءاردايىم قاسىندا ەكەنىن جانە ول قيىندىقپەن جالعىز قالمايتىنىن ءبىلۋى كەرەك»، – دەدى بەرىك اسىلوۆ.
جەدەل ارەكەت ەتۋ ءۇشىن كەلەسى قۇرالدار ەنگىزىلدى:
• بالالاردىڭ قۇقىقتارىن بۇزۋ تۋرالى اقپارات جيناۋ ءۇشىن Telegram چات-بوتتارى؛
• مەكتەپتەردە، مەملەكەتتىك مەكەمەلەردە جانە قوعامدىق ورىنداردا QR-كودتار ورناتىلىپ، ماسەلەلەرىن جەدەل حابارلاۋعا مۇمكىندىك بەرىلدى.
جوبا ناتيجەلەرى:
• شقو-دا ەكى بۋللينگ فاكتىسى توقتاتىلدى: 12 جاستاعى بالاعا جاسالعان قورلىق جانە كوللەدج ستۋدەنتىنە كورسەتىلگەن قىسىم. كىنالىلەر تارتىپتىك جازاعا تارتىلىپ، پروفيلاكتيكالىق جۇمىس جۇرگىزىلدى؛
• قورقىتىپ اقشا الۋ فاكتىلەرى بويىنشا قىلمىستىق ىستەر قوزعالدى. مىسالى، 16 جاستاعى ستۋدەنت جاسوسپىرىمدەردەن اقشا تالاپ ەتىپ، ولارعا پىشاقپەن قوقان-لوقى جاساعان. باسقا مەكتەپتە جوعارى سىنىپ وقۋشىلارى 7-سىنىپ وقۋشىسىنان اقشا بوپسالاعان. كىنالىلەر مەكتەپىشىلىك ەسەپكە الىنىپ، اتا-انالارى اكىمشىلىك جاۋاپكەرشىلىككە تارتىلدى.