Ural Motorcycles باسقارۋشى قۇرامى دا قازاقستانعا كوشىپ كەلەدى.
كومپانيا باسشىسى يليا حايت مالىمدەگەندەي، رەسەيلىك Ural Motorcycles ءوز ءوندىرىسىن قازاقستانعا اۋىستىرادى، دەپ حابارلايدى Almaty-akshamy.kz
ونىڭ ايتۋىنشا، بۇگىندە رەسەيگە قارسى سانكسيالاردىڭ سالدارىنان قاجەتتى بولشەكتەردى جەتكىزۋ جاعىنان قيىندىقتار باستالدى. وعان قوسا، يمپورتقا تىيىم سالىنىپ وتىر. وسىعان بايلانىستى سۆەردلوۆسك وبلىسىنىڭ يربيت قالاسىنداعى ءوندىرىستى قازاقستانعا اۋىستىرۋعا شەشىم شىعارىلدى.
«ۋرال» موتوسيكلدەرىن پەتروپاۆل قالاسىندا جينايدى. ەكى قالانىڭ اراسى – 600 شاقىرىم.
يربيت زاۋىتىنىڭ جۇمىسى توقتامايدى. ول جەردە موتوسيكل قاڭقالارى مەن كورپۋس ەلەمەنتتەرىن جيناي بەرەدى. ءبىراق شتاتتى قىسقارتۋعا تۋرا كەلەدى.
ال پەتروپاۆل قالاسىندا جاڭا جۇمىسشىلاردى جينايدى. Ural Motorcycles باسقارۋشى قۇرامى دا قازاقستانعا كوشىپ كەلەدى.
ايتا كەتەرى، بۇگىندە «ۋرال» موتوسيكلدەرىنىڭ باسىم بولىگى باتىس ەلدەرىنە جانە اقش-قا ەكسپورتتالادى.