ءىستى قاراستىرۋ مەرزىمىن تەرگەۋ انىقتايدى.
قاڭتار وقيعاسىنا قاتىستى ق ر ۇلتتىق قاۋىپسىزدىك كوميتەتىنىڭ قىزمەتكەرلەرى ازاپتاۋ ءىسى بويىنشا تەرگەلىپ جاتىر. بۇل تۋرالى ق ر ۇقك ءتوراعاسىنىڭ ورىنباسارى اسقار ءامىرحانوۆ ايتتى، دەپ حابارلايدى Almaty-akshamy.kz.
پارلامەنت ماجىلىسىندە تىلشىلەر قاڭتار وقيعاسى بويىنشا ازاپتاۋ ىستەرىنە ۇقك قىزمەتكەرلەرىنىڭ قاتىستىلىعى جونىندە سۇراق قويدى.
ءوز كەزەگىندە اسقار ءامىرحانوۆ ونداي قىزمەتكەرلەر بار ەكەنىن، الايدا بۇعان قانشا ادام قاتىستى ەكەنىن ايتا المايتىنىن جەتكىزدى.
«ولار «ازاپتاۋ» بابى بويىنشا تەرگەلىپ جاتىر. ءىستى قاراستىرۋ مەرزىمىن تەرگەۋ انىقتايدى. بۇل رەتتە وسى مەرزىم جارتى جىلعا دەيىن سوزىلۋى مۇمكىن»، - دەدى ۇلتتىق قاۋىپسىزدىك كوميتەتى ءتوراعاسىنىڭ ورىنباسارى.