اقتوبەدە حالىقارالىق كولىك-گۋمانيتارلىق ۋنيۆەرسيتەتى وكىلدىگىنىڭ جەتەكشى مامانى الاياقتىقپەن ۇستالدى، - دەپ حابارلايدى aqshamnews.kz "دياپازونعا" سىلتەمە جاساپ.
بەلگىلى بولعانداي، ايەل ستۋدەنت اتانعىسى كەلگەندەردەن وقۋعا اقشا الىپ، ءوز قالاۋى بويىنشا جۇمساعان. 47 جاستاعى ايىپتالۋشىنىڭ قىلمىستىق ىسىندە 25 ەپيزود بار. ول ءوزىن وقۋ ورنىندا ادىسكەر رەتىندە تانىستىرىپ، قابىلداۋ جارناسىن ونىڭ جەكە بانك شوتىنا اۋدارۋعا نەمەسە قولما-قول بەرۋگە بولاتىنىن ايتقاندىعى تۋرالى سوتتا بەلگىلى بولدى.
«سونىمەن، جابىرلەنۋشىلەردىڭ ءبىرى وعان ءبىر جارىم ميلليون تەڭگەگە جۋىق اقشا تولەگەن، ءبىراق كەيىن ونىڭ ۋنيۆەرسيتەت ستۋدەنتى رەتىندە تىركەلمەگەنى بەلگىلى بولدى. ءدال وسىنداي ايەلدىڭ قۇيتىرقى ارەكەتىنە الدانىپ قالعان وزگە دە ادامدار 100 مىڭنان ءبىر جارىم ميلليونعا دەيىنگى قارجىنىن اۋدارعان. ءبىر جارىم ميلليون اقشانى اۋدارعاندار بىرنەشە جىلدىڭ وقۋ اقىسىن تولەپ جاتىرمىز دەپ ويلاعان. الايدا از ۋاقىتتان سوڭ بۇل اقشالار ۋنيۆەرسيتەت شوتىنا تۇسپەگەنىن بىلەدى»، - دەپ جازادى باسىلىم.
الاياقتىق جاسادى دەپ ايىپتالۋشى ءوز كىناسىن مويىندامادى. ول ۋنيۆەرسيتەتتىڭ اقتوبە فيليالىن كۇيەۋى باسقاراتىنىن، ونىڭ بارلىق اۋدارىمداردان حاباردار بولعانىن، ال زارداپ شەككەندەردەن تۇسكەن اقشانى كۇيەۋى مەن ونىڭ اتا-اناسى ءوز قاجەتتىلىكتەرى ءۇشىن جۇمساعانىن، ونىڭ ءوزى بۇل قاراجاتقا رۇقساتى بولماعانىن ايتقان.
«سوتتا سوتتالۋشىنىڭ كۇيەۋىنەن دە جاۋاپ الىندى. ول ايەلىنىڭ ستۋدەنتتەردەن اقشا العانى تۋرالى ەشتەڭە بىلمەيتىنىن جانە قارىز تۋرالى ۋنيۆەرسيتەتتىڭ باس كەڭسەسىنەن قوڭىراۋ شالعاننان كەيىن بىلگەنىن ايتتى»، - دەلىنگەن ماتەريالدا.
ناتيجەسىندە سوت ايەلدى الاياقتىق جاساعانى ءۇشىن كىنالى دەپ تانىپ، اقشانى جابىرلەنۋشىلەرگە قايتارۋدى مىندەتتەدى جانە 3 جىلعا باس بوستاندىعىنان ايىردى. كەيىن وبلىستىق سوتتىڭ قىلمىستىق القاسى سوتتالۋشىعا باس بوستاندىعىنان ايىرۋ جازاسىن شارتتى تۇردە 3 جىلعا پروباسيالىق باقىلاۋ بەلگىلەۋ باس بوستاندىعىن شەكتەۋ جازاسىنا وزگەرتتى. ءىس اپەللياسيالىق تارتىپتە قارالعان كەزدە سوتتالۋشى وكىنىپ، بارلىق جابىرلەنۋشىلەرگە كەلتىرىلگەن زياندى وتەۋىنە بايلانىستى جازا جەڭىلدەتىلدى.
سوت قاۋلىسى زاڭدى كۇشىنە ەندى.