جارتىلاي فينال 21 قاڭتاردا وتەدى
2023 جىلعى قىسقى ۋنيۆەرسيادادا شايبالى حوككەيدەن قازاقستاننىڭ ستۋدەنتتەر قۇراماسى جارتىلاي فينالدا كانادامەن كەزدەسەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قازاقستاندىق حوككەيشىلەر ۆ توبىندا وڭتۇستىك كورەيا، ۆەنگريا، ۇلىبريتانيا، سلوۆاكيا جانە اقش-پەن سىنعا ءتۇستى.
توپتىق كەزەڭدە ەل قۇراماسى وڭتۇستىك كورەيانى – 5:1، ۆەنگريانى 9:1، ۇلىبريتانيانى 15:1، سلوۆاكيانى 4:0 ەسەبىمەن جەڭىپ، اقش قۇراماسىنا 1:4 ەسەبىمەن ەسە جىبەردى.
وسىلايشا ءوز توبىندا 12 ۇپايمەن ەكىنشى ورىن الدى. ءبىرىنشى ورىن ءدال سونداي ۇپاي جيناعان اقش قۇراماسىنا بۇيىردى.
جارتىلاي فينال 21 قاڭتاردا وتكىزىلەدى. فينال مەن 3-ورىن ءۇشىن سايىس 22 قاڭتارعا بەلگىلەنگەن.
شايبالى حوككەيدەن قازاقستان ستۋدەنتتەر قۇراماسى ءدۇبىرلى دوداعا توعىز مارتە قاتىستى. 1995 جىلى يسپانيانىڭ حاكا قالاسىندا چەمپيوندىق تۇعىرعا كوتەرىلسە، 1993، 2013، 2015، 2017 جىلداردا كۇمىس، 2007 جىلى قولا مەدال يەگەرى اتاندى.