قىتايدىڭ چەندۋ قالاسىندا ءوتىپ جاتقان حححI بۇكىلالەمدىك جازعى ۋنيۆەرسيادادا قازاقستاندىق ادىلبەك مۋسين 100 مەتر قاشىقتىقتى باتتەرفلياي ادىسىمەن 52،34 سەكۋند ناتيجەمەن ءجۇزىپ ءوتىپ، فينالعا جولداما الدى.
100 مەترگە باتتەرفلياي ادىسىمەن ءجۇزۋ بويىنشا اقتىق سىنعا بارلىعى 8 سپورتشى قاتىسادى. فينال جەكسەنبى، 6 تامىزدا چەندۋ قالاسىنداعى (سىچۋان پروۆينسياسى، جۇڭگو) Dong’an Lake ورتالىعىندا، بەيجىڭ ۋاقىتىمەن ساعات 18:51-دە باستالادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
وسىعان دەيىن جاپونيانىڭ فۋكۋوكا قالاسىندا وتكەن سۋ سپورتىنان الەم چەمپيوناتىندا ادىلبەك مۋسين 100 مەترگە باتتەرفلياي ادىسىمەن جۇزۋدەن 51،68 سەكۋند كورسەتكىشپەن قازاقستاننىڭ رەكوردىن ورناتقان بولاتىن.
6 تامىز كۇنگى ساعات 12:00-دەگى (جەرگىلىكتى ۋاقىت) جاعداي بويىنشا قازاقستان مەدالدىق ەسەپتە 19-شى ورىندا تۇر. قازاقستان قۇراماسىنىڭ قورجىنىندا 19 مەدال بار: ەكى التىن، جەتى كۇمىس جانە 10 قولا. جۇڭگو كوش باستاپ تۇر (141 مەدال: 78 التىن، 33 كۇمىس جانە 30 قولا). ەكىنشى ورىندا جاپونيا (74:19-24-31)، ءۇشىنشى ورىندا وڭتۇستىك كورەيا (50:17-15-18).
بۇعان دەيىن بيىكتىككە سەكىرۋ جارىسىندا قازاقستاندىق نادەجدا دۋبوۆيسكايا مەن كريستينا وۆچيننيكوۆا فينالعا شىققان بولاتىن.