تابيعي اپاتتان كەم دەگەندە 45 ادام قازا تاپتى.
ءۇندىستاننىڭ اسساما شتاتىندا سۋ تاسقىنى سالدارىنان كەم دەگەندە 45 ادام قازا تاۋىپ، 4،7 ميلليوننان استام ادام ۇيلەرىن تاستاپ كەتۋگە ءماجبۇر بولدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بۇرىن-سوڭدى بولماعان نوسەر سالدارىنان شتاتتىڭ 35 وكرۋگىنىڭ 32-سىندە اۋىلداردى، ەگىستىكتەردى سۋ باسىپ، ۇيلەر قيرادى.
اسسامدا ۇكىمەت ەۆاكۋاسيالانعان ادامدار ءۇشىن 1425 كومەك لاگەرىن اشتى.
اسساما شتاتى بيىلعى جىلى مۇنداي جاعدايعا ەكىنشى رەت تاپ بولىپ وتىر. مامىر ايىنداعى وقيعا كەزىندە كەم دەگەندە 39 ادام قايتىس بولدى.
سينوپتيكتەردىڭ مالىمەتىنشە، ماۋسىم ايىندا شتاتتا جاۋىن-شاشىن ورتاشا دەڭگەيدەن 109% - عا جوعارى بولعان. ءۇندىستانداعى ەڭ ۇلكەن وزەندەردىڭ ءبىرى-براحماپۋتراداعى سۋ دەڭگەيى كوپتەگەن جەرلەردە ءقاۋىپتى دەڭگەيدەن جوعارى بولىپ تۇر.
تولاسسىز جاۋعان جاڭبىردان كورشىلەس مەگحالايا شتاتىندا دا سوڭعى اپتادا 18 ادام قازا تاپتى.