ءۇندىستاننىڭ باتىس بەنگاليا شتاتىنىڭ دجارگرام اۋدانىنداعى بىرنەشە اۋىلىندا جابايى پىلدەر جۇرتشىلىقتىڭ ۇرەيىن قاشىردى. جابايى تىرشىلىك يەلەرى ءۇش كۇن بويى شابۋىلداپ، ءتورت ادامدى مەرت قىلعان، دەپ حابارلايدى اlmaty-akshamy.kz Tengritravel.kz-كە سىلتەمە جاساپ،
باسىلىم مالىمەتىنشە، قۇربان بولعانداردىڭ ءبىرىنشىسى سانكرايل كۆارتالىنىڭ دجيتۋ حەمبرام ەسىمدى ازامات بولعان. ەر ادام پىلدەردىڭ شابۋىلىنان اۋرۋحانادا قايتىس بولدى. كەلەسى كۇنى ناياگرام كۆارتالىندا ءپىل دامايانتي ماحاتو ەسىمدى 24 جاستاعى قىزعا شابۋىل جاساعان. العان جاراقاتىنان ول دا قايتىس بولدى.
سول كۇنى كەشكى ۋاقىتتا ەگدە جاستاعى ايەلدىڭ قايتىس بولعانى بەلگىلى بولدى. 65 جاستاعى ناميتا ماحاتو ىزالانعان پىلدەر وعان شابۋىل جاساعان كەزدە ءۇيىنىڭ كىرەبەرىسىندە تۇرعان. ول دا وقيعا ورنىندا قايتىس بولدى. وسى جانتۇرشىگەرلىك وقيعانىڭ كۋاگەرى بولعان كورشىسى ەشتەڭە ىستەي الماعانىن ايتادى.
India Times مالىمەتىنشە، 28 ناۋرىزداعى اقپارات بويىنشا پىلدەردىڭ شابۋىلىنان قازا تاپقاندار سانى 9 ادامعا جەتكەن.
وسىعان ۇقساس ءبىرقاتار ءولىم وقيعالارى جەرگىلىكتى تۇرعىندار اراسىندا دۇربەلەڭ تۋعىزدى، ولار قۇقىق قورعاۋ ورگاندارى مەن ورمان شارۋاشىلىعى دەپارتامەنتىنىڭ شەنەۋنىكتەرىنىڭ ارەكەتسىزدىگىنە نارازىلىقتارىن بىلدىرە باستادى.