ءۇندىستاندا نوسەر جاۋىن جاۋدى

عالامدىق كليماتتىڭ وزگەرۋى بايقالۋدا

ءۇندىستانداعى نوسەر جاۋىننان كەيىنگى سۋ تاسقىنى، كوشكىندەر مەن عيماراتتاردىڭ قۇلاۋى، مۋسسوندىق جاڭبىر ءبىرقاتار قيىنشىلىق تۋدىردى. ماحاراشترا اۋداندارىندا وتكەن اپتادا 600 مم-گە دەيىن جاۋىن-شاشىن ءتۇستى، دەپ حابارلايدى Almaty-akshamy.kz يزۆەستيا تەلەارناسىنا سىلتەمە جاساپ.

ەلدىڭ باتىسىندا قاتتى نوسەر جاڭبىر سالدارىنان 190 تۇرعىن قازا تاپتى. كەم دەگەندە 25 ادام حابار-وشارسىز كەتكەن.

ەگىستىك جەرلەردى سۋ باستى، 230 مىڭ ادام كوشىرىلدى. ۇلكەن وزەندەردىڭ سۋى ارناسىنان اسىپ، تاسۋ ءقاۋپى ءتونىپ تۇر. شتاتتا قاتتى جاڭبىر تۋرالى 40 جىل ىشىندە العاش رەت حابارلاندى. جاھاندىق جىلىنۋ باتىستاعى اۋا رايىنىڭ قولايسىزدىعىنىڭ سەبەبى دەپ سانايدى.

«جاھاندىق جىلىنۋعا بايلانىستى سوڭعى جىلدارى اتموسفەرانىڭ سۋدى ۇستاۋ قابىلەتى ارتتى. تومەن قىسىمدى ايماقتىڭ پايدا بولۋىنا بايلانىستى قاتتى جاڭبىردىڭ مولشەرى ارتىپ كەلەدى. ناتيجەسىندە ءبىز، اسىرەسە، ەلدىڭ ورتالىق بولىگىندە قاتتى جاۋىن-شاشىنمەن بەتپە-بەت كەلەۋدەمىز»، - دەدى ءۇندى مەتەورولوگيالىق باسقارماسىنىڭ باس ديرەكتورى مرۋتيۋندجاي موحاپاترا.