ءۇندىستاننىڭ كالكۋتتا قالاسىنا جاقىن جەردە ۆاكسيناسى مەن ەمى جوق ولىمگە اكەلەتىن نيپاح ۆيرۋسىنىڭ ءورشۋى انىقتالدى، - دەپ حابارلايدى aqshamnews.kz.
Report اقپاراتىنشا، باتىس بەنگاليا شتاتىندا ۆيرۋستىڭ 5 جاعدايى انىقتالدى، ونىڭ ۇشەۋى وسى اپتادا تىركەلدى. زارداپ شەككەندەردىڭ اراسىندا دارىگەر، مەدبيكە جانە مەديسينالىق مەكەمەنىڭ ءبىر قىزمەتكەرى بار.
كالكۋتا ماڭىنداعى جەكە اۋرۋحانادا جۇمىس ىستەيتىن تاعى ەكى مەدبيكە ۆيرۋستى جاڭا جىلدان كەيىن جۇقتىرىپ العان. ەكەۋىنىڭ دە قىزۋى كوتەرىلىپ، تىنىس الۋ جولدارى بۇزىلعان. اۋرۋ جۇقتىرعان ايەلدەردىڭ ءبىرى كوماعا تۇسكەن. ول تەستىلەۋ جۇرگىزىلمەي تۇرىپ قايتىس بولعان ناۋقاستى ەمدەۋ كەزىندە ۆيرۋس جۇقتىرعان بولۋى مۇمكىن دەگەن بولجام بار.