ق ر پارلامەنتى سەناتىنىڭ دەپۋتاتتارىن سايلاۋعا قاتىستى ماسەلەلەر بويىنشا الماتى قالاسىنىڭ اۋماقتىق سايلاۋ كوميسسياسىنىڭ وتىرىسى ءوتتى.
وتىرىس بارىسىندا ق ر پارلامەنتى سەناتىنىڭ دەپۋتاتتىعىنا كانديداتتاردىڭ ولارعا قويىلاتىن قازاقستان رەسپۋبليكاسىنىڭ كونستيتۋسياسىمەن جانە «قازاقستان رەسپۋبليكاسىنداعى سايلاۋ تۋرالى» 1995 جىلعى 28 قىركۇيەكتەگى قازاقستان رەسپۋبليكاسىنىڭ كونستيتۋسيالىق زاڭىمەن قويىلاتىن تالاپتارعا سايكەستىگى انىقتالدى.
جيىن ناتيجەسىندە الماتى قالاسىنىڭ اۋماقتىق سايلاۋ كوميسسياسى كەلەسىدەي مالىمدەمە جاسادى:
«الماتى قالاسى پوليسيا دەپارتامەنتىنىڭ كوشى-قون قىزمەتى باسقارماسىنان جانە قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ انىقتامالارى نەگىزىندە، كانديداتتاردىڭ قازاقستان رەسپۋبليكاسىنىڭ كونستيتۋسياسى جانە "قازاقستان رەسپۋبليكاسىنداعى سايلاۋ تۋرالى" زاڭىمەن قويىلاتىن تالاپتارعا سايكەستىگىن انىقتاۋ ءۇشىن، قازاقستان رەسپۋبليكاسى پارلامەنتى سەناتىنىڭ دەپۋتاتتىعىنا ۇسىنىلعان كانديداتتاردىڭ قۇجاتتارىن قاراستىرا وتىرىپ، الماتى قالاسى اۋماقتىق سايلاۋ كوميسسياسى مىنانى انىقتادى.
قازاقستان رەسپۋبليكاسى پارلامەنتى سەناتىنىڭ دەپۋتاتتىعىنا كانديدات:
- جانيازوۆا جارقىن لەپەس قىزى قازاقستان رەسپۋبليكاسى كونستيتۋسياسىنىڭ 33-بابى 2 جانە 3-تارماقتارىندا، 51-بابى 4-تارماعىندا جانە «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ 1995 جىلعى 28 قىركۇيەكتەگى كونستيتۋسيالىق زاڭىنىڭ 4 جانە 70-باپتارىندا بەلگىلەنگەن تالاپتارعا سايكەس.
- يلياشيەۆ ءالنۇر قايرات ۇلى قازاقستان رەسپۋبليكاسى كونستيتۋسياسىنىڭ 33-بابى 2 جانە 3-تارماقتارىندا، 51-بابى 4-تارماعىندا جانە «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ 1995 جىلعى 28 قىركۇيەكتەگى كونستيتۋسيالىق زاڭىنىڭ 4 جانە 70-باپتارىندا بەلگىلەنگەن تالاپتارعا سايكەس ەمەس».
ايتا كەتكەن ءجون، ءتيىستى حاتتامالارعا الماتى قالاسىنىڭ اۋماقتىق سايلاۋ كوميسسياسىنىڭ مۇشەلەرى قول قويدى.