ۇمىتكەرلەر اراسىندا جاستاردىڭ كوپتىگى قاتتى قۋانتتى

تانىمال ەسترادا ءانشىسى وكتەم التايەۆ №26 ەمحانادا ورنالاسقان سايلاۋ ۋچاسكەسىندە داۋىس بەردى، - دەپ حابارلايدى اlmaty-akshamy.kz

  «مەن الماتىلىقتاردىڭ قانشالىقتى بەلسەندى ەكەنىن كورۋ ءۇشىن داۋىس بەرۋگە ءتۇس اۋا بارۋدى شەشكەن بولاتىنمىن. مۇنداي كەزدە ەشكىم ۇيىندە جاتپاسى انىق. سونىمەن، مەن سايلاۋ ۋچاسكەسىندەگى سايلاۋشىلاردىڭ بەلسەندىلىگىنە تاڭ قالدىم. سونىمەن قاتار، مەن تىركەلگەن سايلاۋ ۋچاسكەسىندە ءبارى جاقسى ۇيىمداستىرىلعان»، – دەيدى ونەردىڭ وكىلى. 

وكتەم التايەۆتىڭ ايتۋىنشا، سايلاۋ ۋچاسكەسىنە جاقىنداعاننان-اق مۋزىكا وينالىپ تۇرعان، ال بۇل اتموسفەرا كەز كەلگەن ادامعا قۋانىش، جوعارى كوڭىل-كۇي سىيلايتىنىن اتاپ ءوتتى. سونداي-اق كىرەبەرىستە كانديداتتار تۋرالى بارلىق اقپارات ورنالاستىرىلعانىن ايتتى. ياعني، بۇل كىمدە-كىم ولاردىڭ سايلاۋالدى باعدارلامالارىمەن تانىسۋعا ۇلگەرمەسە، ونى ءدال سول جەردەن وقىپ، بىلۋىنە بولادى دەگەن ءسوز. 

«ۇمىتكەرلەر اراسىندا جاستاردىڭ كوپتىگى قاتتى قۋانتتى مەنى. بۇل قازاقستاننىڭ بولاشاعى جارقىن ەكەندىگىن انىق كورسەتەدى. بۇل ادامداردىڭ بارلىعى ەل يگىلىگى ءۇشىن جۇمىس ىستەگىسى كەلەدى دەپ بىلەمىن. سونىمەن قاتار، بۇل تەك ءپاتريوتيزمدى كورسەتۋگە دەگەن ۇمتىلىس ەمەس، ول ءقازىردىڭ وزىندە ناقتى ارەكەتتەر جاساۋعا دەگەن باتىل قادامدار دەپ ويلايمىن. ۇمىتكەرلەردىڭ كوبى - حالىق اراسىندا جۇرگەن ازاماتتار. دەمەك، ولار ەلدىڭ جاعدايىنان سىرتتاي ەمەس، ىشتەي بىلەدى. بۇل دا بىزگە ءۇمىت، سەنىم سىيلايدى»، – دەيدى ءانشى ءو.التايەۆ.