ۇلىتاۋ توبى ىستامبۇلدا كونسەرت بەردى

مەگاپوليستىڭ ايگىلى كونسەرت زالىندا وتكەن شارا تاۋەلسىزدىگىمىزدىڭ 30 جىلدىعىنا ورايلاستىرىلعان

كەشتە قازاق شىعارمالارىمەن قوسا الەم كلاسسيكتەرىنىڭ كومپوزيسيالارى ورىندالدى. اسىرەسە، «تۇرىك مارشى»، «اھ، ىستامبۇل» تۋىندىلارى جيىلعان جۇرتتىڭ كوڭىلىنەن شىقتى، دەپ حابارلادى Almaty-akshamy.kz 24.kz-كە سىلتەمە جاساپ.

انادولى جەرىندەگى تىڭدارمان ۇلىتاۋ توبىنىڭ شىعارماشىلىعىمەن ەتەنە تانىس. ويتكەنى ءتول اسپاپتارىمىز بەن زاماناۋي مۋزىكانى العاش بولىپ ۇشتاستىرعان دا وسى ۇلىتاۋ.

«ۇلىتاۋ توبىنىڭ شىعارمالارىن جاقسى كورەمىن. سوندىقتان ۇلىتاۋدىڭ كونسەرت بەرەتىنىن ەستىپ، باسقا قالادان كەلدىك. كونسەرتتەگى اتموسفەرانى ايتىپ جەتكىزە المايمىن. تاڭعاجايىپ. تاعى دا كەلسىن. ءجيى كونسەرت بەرسىن»، - دەيدى كورەرمەن ايشە ۋيسال.

سوڭعى ون كۇندە تۇركى الەمىنىڭ شىراعى ىستامبۇلدا جاندى. تۇركى مەملەكەتتەرى ۇيىمىنىڭ سەگىزىنشى ءسامميتى ءوتىپ، وعان مەملەكەت باسشىسى قاسىم-جومارت توقايەۆ ارنايى باردى. القالى جيىندا ماڭىزدى شەشىمدەر قابىلدانىپ، «تۇركى الەمىنىڭ كەلەشەگى 2040» قۇجاتى قابىلداندى. سونداي-اق العاش رەت حالىقارالىق قورقىت اتا ءفيلمى فەستيۆالى ءوتىپ، تامىرلاس جۇرتتىڭ بەلگىلى كينوموتوگرافتارى مەگاپوليستە باس قوستى. بۇل دا الىپ شاھاردىڭ الىستاعى اعايىنعا دەگەن سۇيىسپەنشىلىگىنىڭ بەلگىسى بولسا كەرەك.