2023 جىلى قر-دان ۇلىبريتانيادا ماۋسىمدىق قىزمەتكەرلەر سانى 87،6 پايىزعا ءوسىپ، 5 مىڭ ادامعا جەتكەن، دەپ حابارلايدى اlmaty-akshamy.kz.
ال 2021 جىلى بۇل ەلگە تەك 400-گە جۋىق قازاقستاندىق بارعان. ۇلىبريتانيادا بىلىكتىلىگى تومەن ەڭبەك جانە باسقا دا سالالارداعى جالاقى قازاقستانعا قاراعاندا ەداۋىر جوعارى. مىسالى، ۇلىبريتانيادا قۇلپىناي تەرۋشى بولىپ جۇمىس ىستەي وتىرىپ، ايىنا 737 مىڭنان 1،3 ميلليون تەڭگەگە دەيىن (كۇنىنە 8-دەن 12 ساعاتقا دەيىن جۇمىس ىستەگەندە) اقشا تابۋعا بولادى.
اۆتوكولىك زاۋىتىنا ەلەكترومونتەر، جۇمىسشى جانە جۇرگىزۋشىنىڭ جالاقىسى 2،2 ميلليوننان 2،9 ميلليون تەڭگەگە دەيىن. ال سۋپەرماركەت قىزمەتكەرى ايىنا 2،5 ميلليون تەڭگەدەن الادى. سونىمەن قاتار، مۇنداي جۇمىسقا ورنالاسۋ شىعىندارى دا ايتارلىقتاي بولادى.
رەكرۋتينگتىك اگەنتتىكتىڭ قىزمەتتەرى مەن شەنگەن ۆيزاسىنا جۇمسالعان شىعىندار التى ايعا شامامەن 970 مىڭ تەڭگەنى قۇرايدى. بۇعان بارۋ اقىسى - ەلگە جانە ماۋسىمعا بايلانىستى تاعى 200-270 مىڭ تەڭگە.