ءقازىر ەكى ۇمىتكەر بار
ۇلىبريتانيانىڭ جاڭا پرەمەر-مينيسترىنىڭ ەسىمى 5 قىركۇيەكتە جاريا ەتىلەدى، دەپ حابارلايدى Almaty-akshamy.kz BAQ.KZ-كە سىلتەمە جاساپ.
ءقازىر ەكى ۇمىتكەر بار. بۇل سىرتقى ىستەر ءمينيسترى ليز تراسس جانە بۇرىنعى قارجى ءمينيسترى ريشي سۋناك.
جۇرگىزىلگەن ساۋالناما ناتيجەلەرى تراسس حانىمنىڭ جەڭىسكە ءۇمىتى مول ەكەنىن كورسەتىپ وتىر. بۇل جاعدايدا ول پرەمەر-مينيستر بولىپ سايلانعان ءۇشىنشى ايەل اتانادى.
ەل تاريحىندا بۇعان دەيىن مينيسترلەر كابينەتىن مارگارەت تەچەر مەن تەرەزا مەي باسقارعان.
ايتا كەتكەن ءجون، وتكەن ايدا ساياسي جانجالداردان كەيىن بوريس دجونسون وتستاۆكاعا كەتەتىنىن جاريا ەتتى. وسىدان كەيىن پرەمەر-مينيستر ورنىنا 8 ۇمىتكەر تالاسقا تۇسكەن ەدى.
20 شىلدەدە پارلامەنت مۇشەلەرىنىڭ اراسىندا وتكەن داۋىس بەرۋدىڭ بەسىنشى كەزەڭىنىڭ قورىتىندىسى بويىنشا، 2 كانديدات قالدى.