ۇلىبريتانيانىڭ ۇكىمەت باسشىسى قىزمەتىنە ريشي سۋناك سايلاندى. كونسەرۆاتورلار پارتياسىنىڭ كوشباسشىسى رەتىندە قاتىسقان ءبىرىنشى سايلاۋدا جەڭىلگەن ول ارادا جەتى اپتا وتكەندە كوزدەگەن ماقساتىنا جەتتى. كۇرەستە قالعان جالعىز قارسىلاسى جارىستان شىعاتىنىن جاريالاعان سوڭ ريشي سۋناك 100 پارتيالىق داۋىسى بار جالعىز قاتىسۋشى جانە سايكەسىنشە جەڭىمپاز بولدى، دەپ حابارلايدى Almaty-akshamy.kz Inform.kz-كە سىلتەمە جاساپ.
وسىلايشا سۋناك رەسمي پروسەدۋرا اياقتالعاننان كەيىن تاريحتاعى العاشقى ازيالىق بريتان پرەمەر-مينيسترى بولادى.
تامىز ايىندا بۇرىنعى قارجى ءمينيسترى ريشي سۋناك پرەمەر-مينيستردىڭ ورنىنا تالاسقانى ەسىمىزدە.
الايدا ول سول كەزدە كونسەرۆاتيۆتى پارتيا مۇشەلەرى وعان سەنىم ارتپادى، ولار ليز تراسستى ءجون كوردى جانە بەلگىلى بولعانداي، ولار قاتەلەستى.
ەلدەگى ەڭ جوعارى لاۋازىم ءۇشىن ەكىنشى مارتە ب ا ق سىناعاندا جولى بولدى، اسىرەسە دجونسون ءوزىنىڭ كانديداتۋراسىن الىپ تاستاعاننان كەيىن. جالپى بۇل جولى سۋناكتىڭ قارسىلاسى سالىستىرمالى تۇردە ونشا تانىمال ەمەس پەنني موردونت ەدى.
جازعى سايلاۋ ناۋقانى كەزىندە سۋناك نەگىزىنەن ۇلىبريتانيا ەكونوميكاسىنا نازار اۋدارىپ، ونى داعدارىستان شىعارۋ جوسپارىن ۇسىندى.
سودان كەيىن سۋناك BBC-گە بەرگەن سۇحباتىندا «جالعان ۋادەمەن جەڭگەننەن گورى كوشباسشىلىق جارىستا جەڭىلىپ قالعانى جاقسى ەكەنىن» ايتقان.
ريشي سۋناك ەكونوميكا ءۇشىن وتە قيىن ساتتە پرەمەر-مينيستر قىزمەتىن اتقارعالى جاتىر.
ەسكە سالا كەتەيىك، سۋناك 2020 جىلدىڭ اقپانىندا قارجى ءمينيسترى بولعان جانە بىرنەشە اپتادان كەيىن باستالعان پاندەميا مەن ۇزاققا سوزىلعان كارانتين جاعدايىندا ۇلىبريتانيا ەكونوميكاسىن باسقاردى.
2020 جىلدىڭ كوكتەمىندە ول ەلگە پاندەميادان امان قالۋ ءۇشىن قاجەت نارسەنىڭ ءبارىن جاساۋعا ۋادە بەردى جانە جالپى سوماسى 350 ملرد فۋنت-ستەرلينگتى ازاماتتار مەن بيزنەستى قولداۋعا جۇمسايتىنىن ايتتى. ونىڭ جەكە رەيتينگى كۇرت كوتەرىلدى.
الايدا ۇلىبريتانيا ەكونوميكاسى ءالى دە تۇراقتانعان جوق. سۋناكتىڭ وزىنە 2020 جىلدىڭ ماۋسىمىندا پوليسيا داۋنينگ-ستريتتەگى شەكتەۋ تالابىن بۇزعانى ءۇشىن ايىپپۇل سالدى.
1980 جىلى ساۋتگەمپتونتا تۋعان، تۇرعىلىقتى جەرى - لوندون جانە يوركشير
ۆينچەستەر كوللەدجىندە، وكسفورد جانە ستەنفورد ۋنيۆەرسيتەتىندە ءبىلىم العان.
كاسىپكەر اقشاتا مەرتيگە ۇيلەنگەن، ەكى قىزى بار.
ءۇندىستاننان شىققان سۋناكتىڭ اتا-اناسى ۇلىبريتانياعا شىعىس افريكادان كەلگەن.
اكەسى تەراپيەۆت دارىگەر بولعان، ال اناسى جەكە ءدارىحانانى باسقارعان.
ول ەليتالىق جەكە مەكتەپتە وقىدى جانە جازدا ساۋتگەمپتون مەيرامحاناسىندا داياشى بولىپ جۇمىس ىستەدى.
سودان كەيىن سۋناك فيلوسوفيانى، ساياساتتى جانە ەكونوميكانى زەرتتەۋ ءۇشىن وكسفوردقا وقۋعا تۇسكەن.
ستەنفورد ۋنيۆەرسيتەتىندە MBA باعدارلاماسىندا وقىپ جۇرگەندە ءۇندى ميللياردەرى جانە Infosys كومپانياسىنىڭ نەگىزىن قالاۋشى نارايانا مەرتيدىڭ قىزى، بولاشاق ايەلى اقشاتا مەرتيمەن تانىسقان.
ەرلى-زايىپتىلاردىڭ ەكى قىزى بار.
2001 جىلدان 2004 جىلعا دەيىن سۋناك Goldman Sachs-تە اناليتيك بولىپ جۇمىس ىستەدى، سودان كەيىن ەكى حەدج-قوردىڭ سەرىكتەسى بولدى.
ول پارلامەنتتەگى ەڭ باي دەپۋتاتتاردىڭ ءبىرى سانالادى، ءبىراق اسىپ-تاسقان داۋلەتى جايلى كوپشىلىك الدىندا تۇسىنىكتەمە بەرگەن ەمەس.
سۋناكتىڭ بايلىعى جانە ونىڭ بەدەلدى جەكە مەكتەپتە العان ءبىلىمى دە ءجيى تالقىلاناتىن بولدى.
Sky News تەلەارناسىنىڭ جۇرگىزۋشىسى كەي بەرلي ودان «پرەمەر-مينيستر بولۋ ءۇشىن تىم باي» دەگەن مالىمدەمەلەردى قالاي قابىلدايتىنىن سۇرادى. جاۋاپ رەتىندە سۋناك ينفلياسيا بارلىق ازاماتتارعا اسەر ەتەتىنىن جانە ليز تراسستان ايىرماشىلىعى، ونىڭ باعدارلاماسى ەڭ الدىمەن كەدەيلەرگە كومەك كورسەتەتىنىن ەسكە سالدى.
2020 جىلدىڭ اقپانىندا ول قارجى ءمينيسترى بولىپ تاعايىندالدى جانە باستاپقىدا دجونسوندى بەلسەندى قولدادى، ءبىراق كەيىن ءوزىنىڭ ەكونوميكاعا دەگەن كوزقاراسى پرەمەر-مينيستردىڭ كوزقاراسىنان تۇبەگەيلى باسقاشا ەكەنىن ايتىپ، وتستاۆكاعا كەتتى.