بۇل جاساندى ەتتى كەسكەندە ناعىز ەتتەن اۋمايدى
يزرايلدىك كومپانيا ماماندارى 3D-پرينتەرمەن ەت جاساي باستادى. مامانداردىڭ ايتۋىنشا، ونىڭ تابيعي ەتتەن ەش ايىرماشىلىعى جوق، دەپ حابارلايدى Almaty-akshamy.kz «حابار 24» تەلەارناسىنا سىلتەمە جاساپ.
جاڭا ءونىمدى باعالاۋ شاراسى لوندوندا ءوتتى. وعان شەبەر اسپازدار، مەيرامحانا قوجايىندارى مەن تاعام سىنشىلارى قاتىستى. قوسپالاردىڭ ناقتى ءتىزىمى ازىرگە قۇپيا. جاساندى ەتتىڭ كەلىسى - شامامەن 34 دوللار. ءوندىرىس بريتانيادان باسقا، جاقىندا نيدەرلاندتا اشىلماق. وندا جىلىنا 5 مىڭ توننا ەكو-ەت شىعارۋ جوسپارلانعان.
«بۇل جاساندى ەتتى كەسكەندە ناعىز ەتتەن اۋمايدى. كەرەمەت سايكەستىك! ءبىراق كاۋاپ رەتىندە قۋىرعاندا ايىرماشىلىق سەزىلەدى. سەبەبى تەز قۋىرىلىپ، دايىندالادى»، - دەيدى شەف-اسپاز دجوردان سكلەر.