بۇل تۋرالى قازاقستاننىڭ سىرتقى ىستەر مينيسترلىگىندە ءمالىم بولدى.
ءسىم مالىمەتىنشە، قازاقستان سىرتقى ىستەر ءمينيسترىنىڭ ورىنباسارى رومان ۆاسيلەنكو ۇلىبريتانيانىڭ ورتالىق جانە وڭتۇستىك ازيا، سولتۇستىك افريكا ىستەرى جونىندەگى مەملەكەتتىك ءمينيسترى لورد تاريك احمادپەن بەينەكەزدەسۋ وتكىزگەن، سونداي-اق ۇلىبريتانيانىڭ قازاقستانداعى ەلشىسى كەتي ءليچتى قابىلداعان، دەپ حابارلايدى Almaty-akshamy.kz
تاراپتار ديپلوماتيالىق قارىم-قاتىناستاردىڭ 30 جىلى ىشىندە قول جەتكىزىلگەن ءوزارا سەنىم مەن كەڭ اۋقىمدى ءوزارا ءتيىمدى ىنتىماقتاستىقتىڭ جوعارى دەڭگەيىن اتاپ ءوتتى. سونداي-اق ولار ۋكرايناداعى جاعدايدى جانە سوعىس قيمىلدارىن توقتاتۋ جانە تاراپتاردى بەيبىت جولمەن شەشۋگە قايتارۋ بويىنشا حالىقارالىق دەڭگەيدە قابىلدانعان قادامداردى تالقىلادى.
«بريتاندىق تاراپ رەسەيدىڭ ۋكرايناداعى اسكەري وپەراسياسىنا بايلانىستى قازاقستانعا قاتىستى قانداي دا ءبىر سانكسيا سالۋعا نيەتتى ەمەس ەكەنىن راستادى.
كەزدەسۋ قورىتىندىسى بويىنشا تالقىلانعان تاقىرىپتاردىڭ بارلىق سپەكترى بويىنشا تولىق ءوزارا تۇسىنىستىك راستالدى جانە ەكىجاقتى قاتىناستاردى ودان ءارى بەلسەندى جانە جان-جاقتى دامىتۋعا ءوزارا دايىندىق ءبىلدىرىلدى»، - دەلىنگەن حابارلامادا.