لوندونداعى بارلىق ۇكىمەتتىك عيماراتتارداعى مەملەكەتتىك تۋ ءتۇسىرىلدى
ۇلىبريتانيا پاتشايىمى II ەليزاۆەتا بالمورال سارايىندا 96 جاسىندا قايتىس بولدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بريتاندىق ءسىم بۇل وقيعا تۋرالى ەليزاۆەتا II رەسمي مەملەكەت باسشىسى بولعان 15 ەلدىڭ ۇكىمەتىنە، سونداي-اق ۇلتتار دوستاستىعىنا مۇشە 38 ەلدىڭ باسشىلىعىنا حابارلادى.
پاتشايىمنىڭ قايتىس بولعانى تۋرالى حابارلانعاننان كەيىن لوندوننىڭ ورتالىعىنداعى بارلىق ۇكىمەتتىك عيماراتتارداعى مەملەكەتتىك تۋ ءتۇسىرىلدى.
بۇعان دەيىن مونارح بالمورالدا مەديسينالىق باقىلاۋدا بولعاندىعى تۋرالى حابارلانعان ەدى.
پاتشايىمنىڭ ۇلى حانزادا چارلز جانە باسقا دا وتباسى مۇشەلەرى شوتلاندياداعى رەزيدەنسياسىنا كەلىپ، ونىمەن بىرگە بولدى.