مەگاپوليستىڭ №173 مەكتەپ-ليسەيىندە ورنالاسقان №585 سايلاۋ ۋچاسكەسىندە الماتىلىقتاردى بويلارى ەكى مەترلىك باتىرلار قارسى الدى. وسى اكسيامەن ۇيىمداستىرۋشىلار كوشپەندىلەر الەمىنە، ونىڭ ىشىندە ۇلى دالا رۋحىنا ەنۋگە مۇمكىندىك بەرەتىن تاقىرىپتىق اۋان ۇسىندى. دەپ حابارلايدى aqshamnews.kz.
«ءبىز رەفەرەندۋم بولاتىن ماڭىزدى كۇنگە نازار اۋدارعىمىز كەلدى. مەنىڭشە، ءاربىر قازاقستاندىق ءوز مەملەكەتىنىڭ بولاشاعى تۋرالى ويلانۋى ءتيىس. سوندىقتان بۇگىندە اركىمنىڭ ءوز پىكىرىن ءبىلدىرۋى وتە ماڭىزدى. مەن ءوزىم داۋىس بەردىم، تۋعان جەرىمنىڭ بولاشاعىنا ەرەكشە ءمان بەرەمىن» - دەدى باتىرلاردىڭ ءبىرى سامات شامرات.
سايلاۋشىلار ءۇشىن ۋچاسكەدە الىپتاردى كەزدەستىرۋ وتە جاعىمدى توسىنسىي بولدى. ءسىز كۇن سايىن مۇنداي ەرجۇرەك باتىرلاردى كورە المايسىز، ولار كىتاپ بەتتەرىنەن شىققان كەيىپكەرلەر سياقتى، دەپ اتاپ ءوتتى قالا تۇرعىندارى.
«بۇل وتە ەرەكشە! بىردەن كوڭىل - كۇي كوتەرىلدى. رەفەرەندۋم-بۇل ءاربىر قازاقستاندىقتىڭ ومىرىندەگى ماڭىزدى كۇن جانە ۇيىمداستىرۋشىلاردىڭ ونى ۇمىتىلماس ەتۋگە تىرىسقانى قۋانتادى!» قالا تۇرعىنى زۋلفيا التىنبەكوۆا ءوز اسەرىمەن ءبولىستى.
2024 جىلعى 6 قازاندا قازاقستاندا اەس سالۋ بويىنشا رەسپۋبليكالىق رەفەرەندۋم باستالدى. بۇگىن داۋىس بەرۋگە ارنالعان 10 323 ۋچاسكە، ونىڭ ىشىندە الەمنىڭ 59 ەلىندەگى شەتەلدىك مەكەمەلەر جانىنان اشىلعان 74 ۋچاسكە جۇمىس ىستەۋدە. داۋىس بەرۋ تىزىمىنە داۋىس بەرۋگە قۇقىعى بار 12 ملن 244 مىڭ 683 ازامات ەنگىزىلدى. رەفەرەندۋمدى 30 شەت مەملەكەتتەن جانە 4 حالىقارالىق ۇيىمنان 177 باقىلاۋشى باقىلايدى.
مەملەكەت باسشىسى قاسىم-جومارت توقايەۆ اەس بويىنشا رەفەرەندۋم وتكىزۋ تۋرالى جارلىققا 2024 جىلعى 2 قىركۇيەكتە قول قويعان بولاتىن.