ەلتاڭبانىڭ سول جانە وڭ جاعىندا ۇلتتىق ويۋ-ورنەك ەلەمەنتتەرى ورنالاسقان.
قازاقستان ۇلتتىق بانكى (بۇدان ءارى – قۇب) BÚRKIT كوللەكسيالىق مونەتالارىن اينالىمعا شىعارادى، دەپ حابارلايدى Almaty-akshamy.kz بانكتىڭ باسپا ءسوز قىزمەتىنە سىلتەمە جاساپ.
مونەتالاردىڭ ساتىلىمعا تۇسەتىن كۇنىنە قاتىستى اقپارات قۇب-تىڭ رەسمي سايتىندا قوسىمشا جاريالانادى.
BÚRKIT كوللەكسيالىق مونەتالارى تۋرالى
كوشپەندىلەر بۇركىتتى باتىلدىق پەن قايسارلىقتى بەينەلەيتىن قاسيەتتى قۇس رەتىندە قۇرمەتتەدى. بۇركىتتىڭ قاۋىرسىنىن كوشپەندىلەر كەرەگەگە بويتۇمار رەتىندە ءىلىپ قويعان.
نومينالى 5 000 جانە 500 تەڭگەلىك كۇمىستەن، سونداي-اق نومينالى 200 جانە 100 تەڭگەلىك مەلحيوردان جاسالعان BÚRKIT مونەتالارى «كوشپەندىلەردىڭ عيبادات جانۋارلارى – توتەمدەرى» سەرياسىن جالعاستىرادى. مونەتالاردىڭ ديزاينى بۇركىتتىڭ ناتۋراليستىك جانە ترافارەتتىك بەينەلەرىن «ساقتاردىڭ اڭ ستيلىندە» ۇيلەستىرۋ ارقىلى جاسالعان.
نومينالى 100 تەڭگەلىك مونەتالاردىڭ بەينەسى
مونەتالاردىڭ سيپاتتاماسى:
مونەتانىڭ بەت جاعىنداعى (اۆەرسى) ورتالىق بولىگىندە ۇلتتىق ويۋ-ورنەك ىشىندە قازاقستان رەسپۋبليكاسىنىڭ ەلتاڭباسى بەينەلەنگەن، قازاقستان مونەتا سارايىنىڭ تاۋار بەلگىسى جانە مونەتالار جاسالعان مەتالدى، ولاردىڭ سىناماسى مەن ماسساسىن بىلدىرەتىن جازۋ ورنالاسقان. اينالدىرا – QAZAQSTAN RESPÝBLIKASY جانە REPUBLIC OF KAZAKHSTAN دەگەن جازۋى بار.
ەلتاڭبانىڭ سول جانە وڭ جاعىندا ۇلتتىق ويۋ-ورنەك ەلەمەنتتەرى ورنالاسقان. تومەنگى جاعىندا – مونەتانىڭ نومينالىن بىلدىرەتىن 100 TEŃGE QAZAQSTAN ULTTYQ BANKI • NATIONAL BANK OF KAZAKHSTAN، مونەتالاردىڭ جوعارعى جاعىندا سوعىلعان جىلىن بىلدىرەتىن «2022»، تومەنگى بولىگىندە مونەتالاردىڭ نومينالىن بىلدىرەتىن جازۋ بار.
نومينالى 5 000 جانە 500 تەڭگەلىك مونەتالاردىڭ سىرتقى جاعىندا (ريەۆەرسىندە) – ديامەترى 2 مم (5 000 تەڭگە) جانە 1 مم (500 تەڭگە) گاۋھار تاس ورناتىلعان بۇركىتتىڭ ناتۋراليستىك جانە ترافارەتتىك بەينەلەرىنىڭ كومپوزيسياسى، مونەتالاردىڭ جوعارعى بولىگىندە BÚRKIT جازۋى كورىنىس تاپقان.
نومينالى 200 جانە 100 تەڭگەلىك مونەتالاردا – بۇركىتتىڭ ناتۋراليستىك جانە ترافارەتتىك بەينەسىنىڭ كومپوزيسياسى، مونەتانىڭ جوعارعى بولىگىندە BURKIT جازۋى ورنالاسقان. پەريمەترى بويىنشا دەكوراتيۆتى ۇلگىدە بەزەندىرىلگەن كەڭ جيەگى بار.
كوللەكسيالىق مونەتالار قازاقستان رەسپۋبليكاسىنىڭ بۇكىل اۋماعىندا ءوزىنىڭ بەلگىلەنگەن قۇنىمەن تولەمنىڭ بارلىق ءتۇرى بويىنشا قابىلدانۋعا جاتادى، سونداي-اق قازاقستان رەسپۋبليكاسىنىڭ بارلىق بانكىندە بانك شوتتارىنا ەسەپكە الىنىپ، اۋدارىلادى، ۇساقتالادى جانە ايىرباستالادى.
كۇمىستەن جاسالعان BÚRKIT مونەتالارى مەملەكەتتىك، ورىس جانە اعىلشىن تىلدەرىندە قۇب-تىڭ ءنومىرلى ساپا سەرتيفيكاتتارى بار كادەسىي ورامىندا شىعارىلادى.
كوللەكسيالىق مونەتالار قازاقستان تەڭگە سارايىندا دايىندالدى.