ۇلتتىق ۇلاننىڭ "وڭتۇستىك" وڭىرلىك قولباسشىلىعىنا قاراستى اسكەري بولىمدەردە 2026 جىلعى جاڭا قىسقى وقۋ كەزەڭى باستالدى.
"قازاقستان رەسپۋبليكاسىنىڭ پرەزيدەنتى – ەل قارۋلى كۇشتەرىنىڭ جوعارعى باس قولباسشىسى – قازاقستان رەسپۋبليكاسى ىشكى ساياساتىنىڭ قۇندىلىقتارى مەن باعىتتارى، جاڭا وقۋ جىلىندا اسكەري قىزمەتشىلەرمەن وتكىزىلگەن العاشقى مەملەكەتتىك-قۇقىقتىق دايىندىق ساباعىنىڭ باستى تاقىرىبىنا اينالدى.
قولباسشىلىق باسقارماسىنىڭ، سونداي-اق قولباسشىلىققا باعىنىشتى 5571 اسكەري ءبولىمىنىڭ اسكەري قىزمەتشىلەرىمەن العاشقى تاربيەلىك ساباقتى "وڭتۇستىك" وڭىرلىك قولباسشىلىعىنىڭ قولباسشىسى گەرەرال-مايور تالاپكەر امىرەيەۆ جۇرگىزدى. ساباق بارىسىندا ۇلتتىق ۇلان باس قولباسشىسىنىڭ 2026 وقۋ جىلىنا قويعان جاۋىنگەرلىك تاپسىرمالارى ناقتىلاندى. سونداي-اق مەملەكەت باسشىسىنىڭ باستاماسىمەن ەلىمىزدە ىسكە اسىپ جاتقان اۋقىمدى جوبالارمەن قاتار، مەملەكەتىمىزدىڭ وتكەن 2025 جىلعى جەتكەن جەتىستىكتەرىنە ەرەكشە توقتالىپ ءوتتى.
ال قولباسشىلىققا قاراستى اسكەري بولىمدەردە وتكىزىلگەن ءىس-شارالارعا "وڭتۇستىك" وڭىرلىك قولباسشىلىعى قولباسشىسىنىڭ ورىنباسارلارى جەتەكشىلىك ەتىپ، اسكەري قىزمەتشىلەرمەن مەملەكەتتىك-قۇقىقتىق دايىندىق ساباعىن وتكىزدى.
العاشقى تاربيەلىك ساعاتتان كەيىن ساپتىق الاڭدا ساپ تۇزەگەن ۇلاندىقتار قارۋ-جاراق پەن اسكەري تەحنيكانى، سونداي-اق اسكەري مۇلىكتەردى دۇرىس قولدانۋ، كەز كەلگەن مىندەتتەردى اتقارۋ كەزىندە قاۋىپسىزدىك شارالارىن قاتاڭ ساقتاۋ بويىنشا ساباقتارعا تاراستى.
ساباقتار بارىسىندا جەكە قۇرامعا قىزمەتتىك-جاۋىنگەرلىك ارەكەتتەردىڭ بارلىق باعىتتارى بويىنشا ارنايى دايىندالعان بەينەروليكتەر كورسەتىلدى.
جاڭا وقۋ جىلىندا قوعامدىق ءتارتىپ پەن قاۋىپسىزدىكتى قامتاماسىز ەتۋ بويىنشا ۇلاندىقتاردىڭ الدىندا كوپتەگەن اتقارىلار جاۋاپتى مىندەتتەر تۇر.