بيىل ۇكىمەت ۇلتتىق قوردان 1،1 ترلن تەڭگە الىپتى.
بۇل قاراجاتتىڭ ءبارى مۇناي سەكتورىنان تۇسكەن، دەپ حابارلايدى اlmaty-akshamy.kz.
قارجى مينيسترلىگىنىڭ مالىمەتتەرىنە قاراعاندا، ۇلتتىق قورعا وسىنشاما اقشا ءتۇسىپ، بىردەن ۇكىمەت ەسەبىنە جونەلتىلگەن.
جالپى ءتۇسىم سوماسى 1 169 872 776 537 تەڭگە، ونىڭ 1 169 678 124 028 تەڭگەسى مۇناي سەكتورىنىڭ تابىسى.
تابىستىڭ قۇرامى مىناداي:
▪️119 ملرد تەڭگە – سىرتقا شىققان «قارا مارجاننىڭ» ەكسپورت سالىعى؛
▪️111 ملرد تەڭگە – قازبا بايلىقتى ءوندىرۋ سالىعى؛
▪️626 ملرد تەڭگە – زاڭدى تۇلعالاردىڭ كورپوراتيۆتى سالىعى؛
▪️266 ملرد تەڭگە – مۇنايدى ءوندىرۋ جانە ساتۋدان تۇسكەن تابىس ۇلەسى.
اينالاسى ءۇش ايدىڭ ىشىندە مۇناي سەكتورىنان تۇسكەن تابىس از قارجى ەمەس. سونىڭ ءوزىن دۇرىس ۇقساتىپ، ماقساتتى جۇمساي المايمىز عوي. ءبىر عانا سۋ تاسقىنىنان كەلگەن زالالدىڭ مولشەرى ۇشان-تەڭىز. ول ءالى شوتقا سالىنىپ جاتقان كورىنەدى. ەتەك-جەڭىن جيماعان ەلدىڭ تىرلىگى وسىنداي بەرەكەسىز بولادى.