الماتى قالاسى بوستاندىق اۋدانىنداعى سايلاۋ ۋچاسكەسىندە قالا تۇرعىندارى سايلاۋعا بەلسەندى قاتىسۋدا. ساياسي ناۋقانعا قاتىسۋشىلاردىڭ كوڭىل-كۇيى وتە تاماشا. سايلاۋشىلاردىڭ ءبىرى وسى اۋداننىڭ تۇرعىنى قارابي مۇحامبەتقالي مىرزا. ول ءوزىنىڭ سايلاۋ تۋرالى پىكىرىمەن ءبولىستى، - دەپ حابارلايدى almaty-akshamy.kz
– بۇگىن تاماشا كۇن، بۇكىل حالىق بولىپ سايلاۋعا قاتىسىپ جاتىرمىز. جۇرتىمنىڭ جۇدىرىقتاي جۇمىلعانىن كورۋدىڭ ءوزى زور باقىت. ءوزىم ۇزاق جىلدار ۇلتتىق قاۋىپسىزدىك، قارجى مينيسترلىگى جانە باسقا دا مەملەكەتتىك قىزمەتتەردە ەڭبەك ەتتىم، اسكەر شەنىم – پولكوۆنيك. ءقازىر زەينەت جاسىنا كەلسەم دە، ەلىمىزدە بولىپ جاتقان ساياسي جاڭالىقتاردى قالت جىبەرمەي قاراپ وتىرام. پرەزيدەنتىمىز قاسىم-جومارت توقايەۆتىڭ جاڭا قازاقستان قۇرۋ باستاماسىن قوس قولداپ قۇپتايمىن. ءبىزدىڭ ەلىمىزدىڭ وركەندەۋى ءۇشىن قۇلشىنىسپەن جۇمىس ىستەيتىن جاس ماماندار قاجەت. بۇگىن مەن ءوز تاڭداۋىمدى جاسادىم. حالىق پەن بيلىك اراسىندا سەنىم نىعايا تۇسەدى دەپ ۇمىتتەنەم. بارشا قازاق حالقىن ءاز ناۋرىز مەرەكەسىمەن قۇتتىقتايمىن! - دەدى زەينەتكەر.