ۇلتتىق پىكىرسايىس ءتۋرنيرىنىڭ جەڭىمپازدارى ماراپاتتالدى

سايىستىڭ بارلىق كەزەڭى امەريكالىق پارلامەنت فورماتى (Aپف) بويىنشا ءوتىپ، ۇزدىكتەر انىقتالدى.

استانادا قازاقستاننىڭ ءار وڭىرىنەن كەلگەن 120 پىكىرسايىسشىنىڭ قاتىسۋىمەن ەكى كۇن بويى تۋرنير ءوتتى، دەپ حابارلايدى اlmaty-akshamy.kz.

وقۋ-اعارتۋ مينيسترلىگىنىڭ باسپا ءسوز قىزمەتىنىڭ حابارلاۋىنشا، سايىستىڭ بارلىق كەزەڭى امەريكالىق پارلامەنت فورماتى (Aپف) بويىنشا ءوتىپ، ۇزدىكتەر انىقتالدى.

قازاق، ورىس جانە اعىلشىن ليگالارىندا ءى ورىندى باتىس قازاقستان، اقتوبە وبلىستارى مەن استانا قالاسىنىڭ كوماندالارى جەڭىپ الدى.

«پىكىرسايىس – كوشباسشى جاستاردى تاربيەلەيتىن ەڭ مىقتى قۇرال، بىلىمگە جەتەلەيتىن التىن باسپالداق دەسەك تە بولادى. سىزدەر ەكى كۇن بويى سىنعا ءتۇسىپ قانا قويماي، جاڭا دوس تاپتىڭىزدار. جاڭا ورتا قالىپتاسىپ، ءوز بىلىمدەرىڭىزدى تارازىلادىڭىزدار. قاتىسۋشىلاردىڭ بارلىعىن جانە جەڭىمپازداردى قۇتتىقتايمىن. سىزدەردىڭ ءارقايسىلارىڭىز – ەل تىزگىنىن ۇستايتىن ازاماتسىزدار!» - دەدى وقۋ-اعارتۋ ءمينيسترى عاني بەيسەمبايەۆ.

ءىى، ءىىى ورىن جۇلدەگەرلەرى، «ۇزدىك سپيكەر»، «ۇزدىك وراتور»، «ۇزدىك ساراپشى» نوميناسياسىنىڭ يەگەرلەرى مەن قاتىسۋشىلارعا وقۋ-اعارتۋ مينيسترلىگى اتىنان سىيلىقتار تابىستالدى.

ايتا كەتەيىك، قازىرگى كۇنى رەسپۋبليكا بويىنشا 6 726 پىكىرسايىس كلۋبى جۇمىس ىستەيدى. وندا 120 مىڭنان استام وقۋشى قۇقىقتىق مادەنيەتتى، ازاماتتىق بەلسەندىلىكتى، جاۋاپكەرشىلىكتى، شىعارماشىلىق جانە سىني ويلاۋدى، كوماندادا جۇمىس ىستەۋدى ۇيرەنەدى.