تاڭساۋلە سەرىكوۆ ەلىمىزدە مۇگەدەكتىگى بار ازاماتتاردىڭ قۇقىقتارىن قورعاۋ مەن ولاردىڭ ءومىر ساپاسىن جاقسارتۋ ماقساتىندا «ۇلتتىق مۇگەدەكتەر پالاتاسىن» قۇرۋدى ۇسىندى. ونىڭ ايتۋىنشا، بۇل باستاما ءار سالاداعى ينكليۋزيۆتى باعدارلامالاردى ءبىر جۇيەگە كەلتىرۋگە مۇمكىندىك بەرىپ، قارجىلىق قولداۋدىڭ اشىق ءارى ءادىل ءبولىنۋىن قامتاماسىز ەتەدى.
"قازىرگى تاڭدا مۇگەدەكتىگى بار ازاماتتارعا ارنالعان ءتۇرلى ۇيىمدار مەن قوعامدار جان-جاققا شاشىراپ كەتكەن. ەگەر ولار ءبىر ورتالىقتان باسقارىلسا، ناقتى مۇقتاج جاندارعا كومەك كورسەتۋ تيىمدىلىگى ارتار ەدى. وسى باعىتتاعى جۇيەلى شەشىمدەردى قاراستىرۋ – پرەزيدەنتىمىزدىڭ الەۋمەتتىك ساياساتىن قولداۋدىڭ ءبىر كورىنىسى دەپ بىلەمىن،" – دەدى ول.
بۇل ۇسىنىس الەۋمەتتىك قولداۋدىڭ جاڭا دەڭگەيگە كوتەرىلۋىنە، مۇمكىندىگى شەكتەۋلى ازاماتتاردىڭ قۇقىقتارى مەن مۇددەلەرىن قورعاۋداعى ناقتى قادام بولماق.