ۇلتتىق كينونى قولداۋ ورتالىعى مادەنيەت جانە اقپارات مينيسترلىگىنىڭ قولداۋىمەن العاش رەت 77ء-شى حالىقارالىق كانن كينوفەستيۆالى اياسىندا Marche Du Film كينونارىعىنا قاتىسۋدا. شارا كينويندۋستريا الەمىندەگى ەڭ ماڭىزدى وقيعالاردىڭ ءبىرى بولىپ تابىلادى جانە ول 2024 جىلدىڭ 23 مامىر ايىنا دەيىن جالعاسادى، دەپ حابارلايدى اlmaty-akshamy.kz.
Palais سارايىندا «Kazakhcinema» ستەندى ورناتىلدى. ونىڭ نەگىزگى ماقساتى – وتاندىق كينووندىرىستىڭ ءيميدجىن قالىپتاستىرۋ، بىرلەسكەن كينووندىرىستى دامىتا وتىرىپ، شەتەلدىك سەرىكتەستەردى تارتۋ، سونداي-اق وتاندىق فيلمدەردىڭ تانىمالدىعىن ارتتىرۋ. سونىمەن قاتار قازاقستان شەتەلدىك فيلمدەر ءوندىرىسىن سۋبسيديالاۋ جۇيەسىن (ريبەيت) تانىمال ەتۋگە نازار اۋدارادى. ونىڭ قۇقىقتىق نەگىزى قازاقستان رەسپۋبليكاسىنىڭ «كينەماتوگرافيا تۋرالى» زاڭىنىڭ قابىلدانۋىمەن قامتاماسىز ەتىلگەن.
ايتا كەتەيىك، Marche Du Film – 1959 جىلى قۇرىلعان جانە جىل سايىن كانن كينوفەستيۆالىمەن قاتار وتەتىن حالىقارالىق كينونارىق. كينونارىقتىڭ نەگىزگى مىندەتى – كينويندۋستريا ماماندارى اراسىندا بايلانىس ورناتۋ جانە ونى دامىتۋ، حالىقارالىق بيزنەستىڭ دامۋىنا ىقپال ەتۋ.