قاتىسۋشىلار ءبىراۋىزدان قولداعان شەشىم
بۇگىن نۇر-سۇلتان قالاسىندا ق ر ۇلتتىق باسكەتبول فەدەراسياسىنىڭ كەزەكتەن تىس كونفەرەنسياسى ءوتتى، دەپ حابارلايدى Almaty-akshamy.kz قازاقپارات-قا سىلتەمە جاساپ.
ءىس-شاراعا مادەنيەت جانە سپورت ۆيسە-مينيسترى س. جاراسبايەۆ، ق ر ۇوك، وڭىرلىك فەدەراسيالاردىڭ وكىلدەرى جانە ۇيىمنىڭ اتقارۋشى كوميتەتىنىڭ مۇشەلەرى قاتىستى.
كونفەرەنسيا بارىسىندا بارلىق قاتىسۋشىلاردىڭ ءبىراۋىزدان قولداعان شەشىمىمەن ق ر ۇفب جاڭا باسشىسى بولىپ اباي ابديسامەت ۇلى الپامىسوۆ تاعايىندالدى.
بۇرىن، 2013 جىلدان 2017 جىلعا دەيىن ول وسى فەدەراسيانىڭ پرەزيدەنتى قىزمەتىن اتقاردى.
ءوز سوزىندە ۇيىم باسشىسى كورسەتىلگەن سەنىم ءۇشىن العىسىن ءبىلدىردى.
«قىركۇيەك ايىنىڭ سوڭىنا قاراي كەشەندى باعدارلاما ازىرلەيمىز، وندا وڭىرلىك، 3ح3 كوماندالاردىڭ، قۇراما پروبلەمالارىن شەشۋ جولدارى، كلۋبتاردى قولداۋ قامتىلادى. بۇل جولدا جالعىز جەتىستىككە جەتۋ مۇمكىن ەمەس، سوندىقتان سىزدەردىڭ قولداۋلارىڭىزعا سەنەمىن»، - دەدى ا. الپامىسوۆ.
اباي الپامىسوۆ م. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ «ەسەپتەۋ ماتەماتيكاسى جانە كيبەرنەتيكا» فاكۋلتەتىن بىتىرگەن. ەكونوميكا عىلىمدارىنىڭ كانديداتى.
قازاقستان رەسپۋبليكاسىنىڭ مەملەكەتتىك قىزمەت سالاسىندا جۇمىس تاجىريبەسى بار. ەكونوميكا جانە بيۋدجەتتىك جوسپارلاۋ مينيسترلىگىندە مەملەكەتتىك اكتيۆتەردى باسقارۋ ساياساتى دەپارتامەنتىنىڭ ديرەكتورى، ەسەپ كوميتەتى اپپاراتى باسشىسىنىڭ ورىنباسارى لاۋازىمىن اتقاردى.
ەلدەگى ءىرى ۇلتتىق كومپانيالاردا باسقارما مۇشەسى بولدى. ەكىنشى دەڭگەيلى بانكتەردە باسشىلىق قىزمەتتەر اتقاردى. ەڭ ۇزدىك ەكونوميكالىق زەرتتەۋلەرى ءۇشىن دۇنيەجۇزىلىك بانك سىيلىعىمەن ماراپاتتالعان.
ەستەرىڭىزگە سالا كەتەيىك، 2017 جىلدان باستاپ وسى جىلدىڭ قاڭتارىنا دەيىن ۇلتتىق باسكەتبول فەدەراسياسىنىڭ پرەزيدەنتى قىزمەتىن ديماش دوسانوۆ اتقاردى.