ونىڭ ايتۋىنشا، شەشىم 5 جەلتوقساندا جاريالانادى
بۇل تۋرالى ۇلتتىق بانك ءتوراعاسى عالىمجان ءپىرماتوۆ قازاقستان قارجىگەرلەرىنىڭ X كونگرەسىندە ايتتى، دەپ حابارلايدى Almaty-akshamy.kz inbusiness.kz-كە سىلتەمە جاساپ.
ۇلتتىق بانك ءتوراعاسى عالىمجان ءپىرماتوۆ بازالىق مولشەرلەمە مەن قازىرگى اقشا-كرەديت ساياساتى تۋرالى ايتتى.
"ءقازىر كوماندا ءبىزدىڭ بولجامدارىمىزدى قايتا جاڭارتۋ تۇرعىسىندا جۇمىس ىستەپ جاتىر. وسى بولجامدىق راۋندتىڭ قورىتىندىسى بويىنشا دەرەكتەر مەن ءبىرقاتار ماكروەكونومكالىق فاكتورلارعا سۇيەنە وتىرىپ، شەشىم قابىلدايمىز. قاجەتتىلىك تۋىندايتىن بولسا، بازالىق مولشەرلەمەنى تاعى دا كوتەرۋگە ءازىرمىز. ول شەشىمدى 5 جەلتوقساندا جاريالايمىز. ءبىز قاشان دا شەشىم قابىلداردا نەگىزگى ماكروەكونوميكالىق پارامەترلەر بويىنشا بولجامداردى، ينفلياسيالىق كۇتۋلەردى جانە باسقا دا فاكتورلاردى نازارعا الامىز"، - دەدى ۇلتتىق بانك باسشىسى.
ول سونداي-اق، بازالىق مولشەرلەمە توڭىرەگىندەگى پىكىرتالاس تۋرالى دا پىكىر ءبىلدىردى.
"جالپى، ءوز باسىم بازالىق مولشەرلەمەگە قاتىستى پىكىرتالاستىڭ كاسىبي ورتادا بولعانىن قۇپتايمىن. ءبىزدىڭ شەشىمدەرىمىزدىڭ تۇپكى ءمانىن نارىقتاعى كاسىبي قاتىسۋشىلاردىڭ كۇننەن كۇنگە تۇسىنە باستاعانىن كورىپ وتىرمىن. مولشەرلەمەنى تىم تومەن دەڭگەيدە دەيتىندەر دە، كەرىسىنشە، ونى تىم جوعارى كورەتىندەر دە بار. دەگەنمەن، كاسىبي ورتاداعى پىكىرتالاستارعا قاراپ، اقپاراتتاندىرىلۋدىڭ الدەقايدا جوعارى ەكەنىن بايقاپ وتىرمىز. ءبىز بۇنى قۇپتايمىز"، - دەدى عالىمجان ءپىرماتوۆ.
ۇلتتىق بانك ءتوراعاسى سونىمەن بىرگە، 11 زەرتتەۋ ۇيىمى قاتىساتىن كاسىبي ماكروەكونوميستەر اراسىندا تۇراقتى ساۋالناما جۇرگىزۋدى دە قولعا العانىن دا حابارلادى.