جىلدىڭ سوڭىنا قاراي ينفلياسيا 16-18% ارالىعىندا بولادى.
قازاقستاننىڭ ۇلتتىق بانك ماماندارى الداعى ۋاقىتتا ەلدەگى ينفلياسيا دەڭگەيى قانداي بولاتىنىن ايتتى، دەپ حابارلايدى Almaty-akshamy.kz.
ينفلياسياعا قاتىستى اقپارات ۇلتتىق بانكتىڭ ارنايى ازىرلەگەن بايانداماسىندا كورسەتىلگەن.
«ۇلتتىق بانك «اقشا-كرەديت ساياساتى تۋرالى بايانداما. قىركۇيەك 2022» جاريالادى. باياندامادا بولجامنىڭ العىشارتتارى، بازالىق جانە بولجامنىڭ بالامالى سەنارييلەر بويىنشا ماكروەكونوميكالىق جاعدايدىڭ دامۋ پەرسپەكتيۆالارى، قازىرگى ماكروەكونوميكالىق جاعدايلار بەرىلگەن. سونىمەن بىرگە قۇجاتتا اقشا، ۆاليۋتا جانە قارجى نارىقتارىنداعى جاعدايعا تالداۋ جاسالعان»،- دەلىنگەن ۇلتتىق بانكتىڭ باسپا ءسوز قىزمەتىنىڭ حابارلاماسىندا.
وتكەن بولجامدى راۋندتىڭ قورىتىندىسى بويىنشا، جاريالانعان ينفلياسياعا قاتىستى الدىڭعى باعالاۋ كوتەرىلۋ جاعىنا قاراي ءبىرشاما قايتا قارالدى. 2022 جىلدىڭ سوڭىنا قاراي ينفلياسيا 16-18% ارالىعىندا قالىپتاسادى.
«قىسقا مەرزىمدى كەزەڭدە ينفلياسيا 2023 جىلعى اقپاندا ءوزىنىڭ ەڭ جوعارى مانىنە جەتىپ، ەكى تاڭبالى بولىپ قالادى. بۇل ءبىرقاتار ازىق-تۇلىك ونىمدەرىنىڭ، سونداي-اق ازىق-تۇلىككە جاتپايتىن تاۋارلاردىڭ، ءبىرىنشى كەزەكتە، جوعارى يمپورتتىق قۇرامداس بولىگى بار ازىق-تۇلىككە جاتپايتىن تاۋارلاردىڭ جالعاسىپ وتىرعان باعاسىنىڭ ءوسۋىن، سونداي-اق ساقتالىپ وتىرعان جوعارى بازالىق ينفلياسيانى بىلدىرەتىن بولادى»،- دەيدى ق ر ۇلتتىق بانكىنىڭ اقشا-كرەديت ساياساتى دەپارتامەنتى ديرەكتورىنىڭ ورىنباسارى دەنيس چەرنياۆسكيي.
بۇدان ءارى 2023 جىلدىڭ قورىتىندىسى بويىنشا، ينفلياسيا 7،5-9،5%-عا دەيىن بىرتىندەپ باياۋلايدى دەپ كۇتىلۋدە. تومەندەۋ ءۇردىسى كۇشەيە بەرەدى، ءسويتىپ، 2024 جىلدىڭ سوڭىنا قاراي ينفلياسيا 5،5-7،5% دەڭگەيىندە بولادى دەپ بولجانىپ وتىر.
ۇلتتىق بانكتىڭ بولجامدارىنا سايكەس، قازاقستانداعى ەكونوميكالىق بەلسەندىلىك ديناميكاسى 2022 جىلى 2،5%-3،5% دالىزىندە بولادى. 2023 جىلى بەلگىسىزدىكتىڭ جالپى دەڭگەيىنىڭ تومەندەۋى اياسىندا قازاقستان ەكونوميكاسىنىڭ ءوسۋى 4%-5% دەيىن جەدەلدەيدى. ىشكى سۇرانىس فيسكالدىق ىنتالاندىرۋمەن قولداۋ كورسەتىلەتىن ەكونوميكالىق بەلسەندىلىكتىڭ جەتەكشىسى بولادى. سونداي-اق، ەلدە مۇناي ءوندىرۋدىڭ كۇتىلەتىن ۇلعايۋىنا بايلانىستى ەكسپورت ءجىو ءوسىمىنىڭ قوسىمشا فاكتورى بولادى.
الدىڭعى بولجامدى راۋندپەن سالىستىرعاندا، ينفلياسيانىڭ جەدەلدەۋ تاۋەكەلدەرى ءبىرشاما تومەندەدى، الايدا، الەمدە گەوساياسي شيەلەنىس ساقتالۋى سەبەبىنەن جوعارى بولىپ قالىپ وتىر.
الەمدەگى كۇردەلى گەوساياسي جاعداي قازاقستاننىڭ ماكروەكونوميكالىق كورسەتكىشتەرى بولجامدارىنىڭ العىشارتتارىنا جوعارى بەلگىسىزدىك ەنگىزۋدى جالعاستىرۋدا. بۇل ينفلياسيانىڭ بولجامدىق ماندەرىنەن اۋىتقۋ تاۋەكەلدەرىن جوعارى دەڭگەيدە ساقتاۋعا سەبەپشى بولادى.