مەملەكەت جەتەكشىسى حالىقارالىق نارىقتارداعى قۇبىلمالىلىقتىڭ ارتۋ جاعدايىندا قارجىلىق تۇراقتىلىقتى قامتاماسىز ەتۋگە باسا ءمان بەرۋدى تاپسىردى.
پرەزيدەنت قاسىم-جومارت توقايەۆ ۇلتتىق بانك ءتوراعاسى ەربولات دوسايەۆتى قابىلدادى، دەپ حابارلايدى Almaty-akshamy.kz Akorda.kz سىلتەمە جاساپ.
مەملەكەت باسشىسى ۇلتتىق بانك ءتوراعاسىنىڭ بيىلعى 8 ايداعى اقشا-كرەديت ساياساتىن ىسكە اسىرۋدىڭ الدىن الا قورىتىندىسى جونىندە، سونداي-اق الەم ەكونوميكاسىنىڭ قايتا قالپىنا كەلۋ بارىسىندا ينفلياسيالىق قاتەردىڭ كۇشەيە تۇسكەنى تۋرالى ەسەبىن تىڭدادى.
پرەزيدەنتكە ۇكىمەتپەن بىرلەسىپ بەكىتىلگەن ينفلياسياعا قارسى شارالار مەن ونى جۇزەگە اسىرۋدىڭ نەگىزگى باعىتتارى، سونداي-اق بيىلعى ينفلياسيانىڭ جاڭارتىلعان بولجامدارى تۋرالى باياندالدى.
سونىمەن قاتار قاسىم-جومارت توقايەۆقا حالىقتىڭ تابىسى مەن تۇتىنۋ دەڭگەيىنىڭ ارتۋىنا ىقپال ەتەتىن قازاقستانداعى ەكونوميكالىق بەلسەندىلىكتىڭ ارتا تۇسكەنى جونىندە جانە پرەزيدەنتتىڭ داعدارىسقا قارسى باستامالارىن ىسكە اسىرۋ بارىسى تۋرالى مالىمەت بەرىلدى.
بۇدان بولەك مەملەكەت باسشىسىنا قازاقستاننىڭ جالپى حالىقارالىق رەزەرۆتەرىنىڭ بيىلعى 8 ايدا 93،7 ميلليارد دوللارعا دەيىن ۇلعايعانى جانە ۇلتتىق قوردىڭ ينۆەستيسيالىق كىرىسىنىڭ 2،3 ميلليارد دوللارعا دەيىن وسكەنى تۋرالى الدىن الا دەرەكتەر ۇسىنىلدى.
كەزدەسۋ قورىتىندىسى بويىنشا قاسىم-جومارت توقايەۆ ينفلياسيانىڭ مونەتارلىق ەمەس فاكتورلارىن تومەندەتۋگە جانە حالىقارالىق نارىقتارداعى قۇبىلمالىلىقتىڭ ارتۋ جاعدايىندا قارجىلىق تۇراقتىلىقتى قامتاماسىز ەتۋگە باسا ءمان بەرۋدى تاپسىردى.