Qazaqstan ۇلتتىق تەلەارناسى الماتىداعى جاپپاي تارتىپسىزدىك كەزىندە ورتەنىپ كەتكەن «التىن قورى» تۋرالى تۇسىندىرمە جاسادى، دەپ حابارلايدى اlmaty-akshamy.kz تەلارنانىڭ باسپا ءسوز قىزمەتىنە سىلتەمە جاساپ.
- «قازاقستان» تەلەراديوكورپوراسياسى «التىن قورىنىڭ» ءبىر بولىگى الماتى قالاسىندا جيناقتالعان. سەبەبى قازاق تەليەۆيزياسى مەن راديوسى پايدا بولعالى ساقتالعان قۇندى ماتەريالداردى وڭدەۋمەن اينالىساتىن مامانداردىڭ كوبى الماتى فيليالىندا. وقيعا كەزىندە عيماراتقا ۇلكەن زالال كەلىپ، 16 مىڭعا جۋىق بەينەتاسپا جيناقتالعان «التىن قوردىڭ» جەراستى قويمالارى مەن سيفرلانعان ۆيدەوماتەريالدار ساقتالعان سەرۆەرلەر بولمەسىن ءورت شالدى. بۇل سەرۆەردە وسى كۇنگە دەيىن سيفرلانعان بەينەماتەريالداردىڭ ءبىر بولىگى ساقتالعان (باسىم بولىگى نۇر-سۇلتان قالاسىندا ) بولاتىن. بۇعان قوسا، ءورت ءسوندىرۋ كەزىندە قويمالاردى سۋ باستى، - دەلىنگەن حابارلامادا.
ورتەنگەن سەرۆەردىڭ جادى جانە كاسسەتالار مەن پلەنكالاردىڭ جارامدىلىعى تولىق تەحنيكالىق تەكسەرىستەن سوڭ ايقىندالادى. سەبەبى قازىرگى كەزدە قاۋىپتىلىگىنە بايلانىستى عيماراتقا كىرۋگە مۇمكىندىك جوق.
قورداعى 110 مىڭنان استام اۋديوماتەريال تولىق سيفرلانعان. ماتەريالداردىڭ سيفرلى نۇسقاسى نۇر-سۇلتان قالاسىنداعى باس كەڭسەدە ساقتاۋلى. كورپوراسيا سيفرلاندىرۋ بويىنشا كەشەندى جۇمىستاردىڭ جالعاسى رەتىندە وتكەن جىلدىڭ سوڭىندا «التىن قور» جاۋھارلارىن كوپشىلىككە تانىستىرىپ، كەز كەلگەن ەلدەن ەركىن كورۋگە مۇمكىندىك بەرەتىن https://altynqor.com/ ارنايى پورتالىن اشتى. ءقازىر مۇندا 1500-گە جۋىق بەينە، 700 اۋديوماتەريال بار. سايتتى تولىقتىرۋ تۇراقتى تۇردە جالعاسادى، - دەدى باسپا ءسوز قىزمەتى.