ۇلىتاۋدا ۇلتتىق قۇرىلتايدىڭ العاشقى جيىنى ءوتىپ جاتىر.
القالى جيىندى اشقان پرەزيدەنت قاسىم-جومارت توقايەۆ ۇلىتاۋ ءوڭىرىنىڭ الەۋمەتتىك-ەكونوميكالىق ءمان-ماڭىزىنا توقتالدى، دەپ حابارلايدى Almaty-akshamy.kz
مەملەكەت باسشىسىنىڭ جارلىعىمەن بۇل وڭىردە جاڭا وبلىس قۇرىلعانىن ەستەرىڭىزگە سالا كەتەيىك.
"قاسيەتتى ولكەنىڭ اتاۋىن جاڭعىرتىپ، ونى ۇلىتاۋ دەپ اتادىق. دەربەس وبلىس مارتەبەسى وسى ايماقتى تىڭ سەرپىنمەن دامىتۋعا مۇمكىندىك بەرەدى. جۇمىس ورىندارى اشىلىپ، حالىقتىڭ ءال-اۋقاتى جاقسارا تۇسەدى دەپ ويلايمىن"، - دەدى پرەزيدەنت قاسىم-جومارت توقايەۆ.
پرەزيدەنت مۇندا جاڭا نىساندار، سولاردىڭ ىشىندە الەۋمەتتىك كەشەندەر بوي كوتەرىپ، تۋريستىك الەۋەتى ارتاتىنىن ايتتى.
"وبلىستىڭ العاشقى قادامى القالى جيىننان باستالۋدا. ۇلت ۇياسى – ۇلىتاۋدىڭ عاسىرلار بويعى ۇلى ميسسياسى قايتا جالعاسىن تاپتى"، - دەدى مەملەكەت باسشىسى.