پرەزيدەنت جولداۋىنا قاتىستى پىكىردى Almaty-akshamy.kz Assembly.kz-كە سىلتەمە جاساپ ۇسىنادى.
ق ر پرەزيدەنتى جولداۋىندا العى ءسوزىن جەر بەتىن جايلاعان ادامزاتتىڭ كوڭىلىن الاڭداتىپ، ءبىراز ەلدەردى،ونىڭ ىشىندە ءبىزدىڭ ەلگە ءقاۋىپ تۋدىرعان ىندەتكە توقتالىپ، ودان ەلىمىزدى امان الىپ شىعۋدىڭ جولدارىمەن باستاۋى تالاي قازاقستاندىقتاردىڭ جۇرەگىن جىلىتتى دەپ ويلايمىن. پرەزيدەنت جولداۋىن ءبىز انالار قاۋىمى دا زور ىقىلاسپەن تىڭداپ، تولعانىسپەن قابىلدادىق.
اسىرەسە، "اڭساعان ءسابي" باعىتىندا ءار شاڭىراققا شاتتىق سىيلار بالا ءسۇيۋ باقىتىنا قول جەتكىزۋگە قولداۋ، بالالاردى قورعاۋ باۋىر ەتى بالالارىمىزدى كەز كەلگەن زورلىق زومبىلىقتان قورعاۋ وزەكتى ماسەلەسى ۇلتىمىزدىڭ ساپاسىن ارتتىرۋداعى باستى باعىتتىڭ ءبىرى ەكەنىن، "وتباسى" باعىتىنداعى "تۇرعىن ءۇي قۇرىلىس جيناق بانكى" ارقىلى باسپاناعا قول جەتكىزۋدى سۋبسيديالاۋ، دەنساۋلىق، جەر-سۋ، ەكولوگيالىق تازالىق سياقتى كوپتەگەن الەۋمەتتىك سالالاردى دامىتۋعا باعىتتالعان جۇمىس جوسپارلارى كوڭىلدەن شىقتى. پرەزيدەنتتىڭ قوعامدى دامىتۋدى جوسپارلايتىن اگەنتتىك جايلى اۋىلشارۋاشىلىعىن دامىتۋعا ايرىقشا باسىمدىق بەرۋى: "اۋىل - ەل بەسىگى" باعدارلاماسى جالعاساتىنى، ايماقتاردىڭ دامۋىنا ەركىندىك بەرۋ، تۇرعىن حالىقتىڭ ۇسىنىستارىن قابىلداۋ، ۇرپاق تاربيەسىندە ءبىلىم ساپاسى مەن عىلىمعا بەت بۇرۋ وتە ءبىر جاڭا باعىتتار بولدى. ال ەندى بانك قىزمەتى، ءۇش تاعانداي سوت، پروكۋراتۋرا، پوليسيا قىزمەتى، مەدياسيانىڭ ۇلتتىق سيپاتى جانە مەملەكەتتىك قىزمەتشىلەرگە جاسالاتىن ىرىكتەۋ-قىسقارتۋ رەفورمالارى وتە ءتيىمدى شەشىم بولدى دەپ ويلايمىن. سەبەبى "سانى كوپ ساپاسى از" قىزمەتشىلەردەن گورى از بولسا دا ساپالى بىلىكتى كادرلار قىزمەت ىستەسە، بولاشاقتاعى سىبايلاس جەمقورلىقسىز قىزمەت پەن قوعامنىڭ دامۋىنا وڭ ناتيجەسىن بەرەتىنىنە سەنىم مول. "ادام بالاسى ءبىر بىرىنەن اقىل،ءبىلىم،ار مىنەز دەگەن قاسيەتتەرىمەن وزادى" دەپ اباي ايتقانداي پرەزيدەنت جولداۋىنداعى ءار تاراۋ ويدان شىقتى. ويتكەنى، ءبىز انالار ءاردايىم وسى سالالار قىزمەت ەتەتىن تىرلىكتىڭ ءبارىنىڭ باسى قاسىندا ءجۇرىپ، تىكەلەي بايلانىستا بولامىز. پرەزيدەنت اتاپ كورسەتكەن: تەرەڭ ءبىلىم، تەمىردەي ءتارتىپ، ادىلدىك، ادالدىق، ىسىراپشىلدىققا جول بەرمەۋ، بوستەكى ەسەپتىك تاعى باسقا ازاماتتىق ۇستانىمعا ءتان ادامي قىرلار ءبىزدىڭ انالار قاۋىمىنىڭ دا ۇرپاق تاربيەسىندەگى باستى ۇستانىمى. سوندىقتان ءار بۋىننىڭ ماڭدايىنداعى ءارتۇرلى سىناقتارعا قاراماستان كۇردەلى مىندەت ۇدەسىنەن شىعۋ ۇلكەن جاۋاپكەرشىلىك جۇكتەيدى. ءبىز انالار قاۋىمى، ۇلت ساپاسىن ارتتىرۋدا جاڭارعان، جاڭعىرعان "اباي اڭساعان ازامات" تاربيەلەۋىمىز كەرەك. سوعان ىقپال جاساپ،ۇلەسىمىزدى قوسا بىلەيىك.