بۇل تۋرالى G7 ەلدەرى ەنەرگەتيكا مينيسترلەرىنىڭ تۋريندەگى باسقوسۋىندا بەلگىلى بولدى.
بۇگىن ۇلكەن جەتىلىك ەلدەرىنىڭ مينيسترلەرى وسى كەلىسىمگە قول قويىپ، ەكونوميكانى دەكاربونيزاسيالاۋدىڭ ەگجەي-تەگجەيلى جوسپارىن جاريالايدى، دەپ حابارلايدى Almaty-akshamy.kz.
G7 ەلدەرى 2023 جىلى كومىر ەلەكتر ستانسيالارىنان باس تارتۋعا كەلىسكەن، ءبىراق ونىڭ ناقتى قاشان ەكەنى انىقتالماعان بولاتىن.
بيىل G7 ءتوراعاسى يتاليا 2025 جىلعا قاراي ساردينيا ارالىنان باسقا جەردەگى بۇكىل كومىر ەلەكتر ستانسيالارىن قولدانىستان شىعارۋعا نيەتتى.
ەلەكتر ەنەرگياسىنىڭ 26 پايىزى كومىر ەلەكتر ستانسيالارىنىڭ ۇلەسىنە تيەتىن گەرمانيا بولسا، 2038 جىلعا قاراي كومىردەن تولىعىمەن باس تارتۋدى جوسپارلاپ وتىر.
2023 جىلى بۇۇ-نىڭ دۋبايداعى بۇكىلالەمدىك كليمات كونفەرەنسياسى ەلدەردى قازبا وتىننان باس تارتۋعا شاقىردى.