بوگەتتەردىڭ قۇرىلىسى سەل تاسقىنىنان بولاتىن ءقاۋىپتى بارىنشا ازايتۋعا مۇمكىندىك بەرەدى.
ۇلكەن الماتى مەن اقساي وزەندەرى شاتقالدارىندا سەلگە قارسى بوگەتتەر ورناتىلىپ جاتىر، دەپ حابارلايدى اlmaty-akshamy.kz توتەنشە جاعدايلار مينيسترلىگىنىڭ سايتىنا سىلتەمە جاساپ.
الماتى قالاسىنىڭ بيىك تاۋلى ايماعىندا «ۇلكەن الماتى»، «اقساي»، «قارعالى» جانە «كىشى الماتى» دەپ اتالاتىن 146 مۇزدىق، 50-دەن استام مۇزداق-مۇزدىق كول بار.
الماتى قالاسى تجد باسپا ءسوز قىزمەتىنىڭ اقپاراتىنا سايكەس، سەل قاۋىپسىزدىگىن قامتاماسىز ەتۋ ءۇشىن ۇلكەن الماتى جانە اقساي وزەندەرىنىڭ باسسەيندەرىندە سەلدى ۇستاپ قالاتىن ەكى بوگەتتىڭ قۇرىلىسى ءجۇرىپ جاتىر. وسى وزەندەردىڭ جوعارى جاعىندا سەل ءقاۋپى بار 116 ۋچاسكە، 114 مۇزدىق، 35 مۇزداق-مۇزدىق كولدەر بار، ونىڭ 9-ىندا جارىلىس ءقاۋپى بار.
ناۋرىزباي اۋدانىنداعى اقساي وزەنىندە دە سەلدى ۇستاپ قالاتىن بوگەتتىڭ قۇرىلىس-مونتاجداۋ جۇمىستارى ءجۇرىپ جاتىر. اقساي وزەنىنىڭ باسسەينى ۇلكەن الماتى سياقتى سەل ءجۇرۋ ءقاۋپىنىڭ ءبىرىنشى ساناتىنا جاتادى. بوگەتتىڭ بيىكتىگى – 75 مەتر، سەلدەن قورعاۋ كولەمى – 7 ملن تەكشە مەتر.
سەلدى ۇستاپ قالاتىن بوگەتتەر قۇرىلىسىنىڭ جوسپارلى اياقتالۋ مەرزىمى – 2023 جىل.
توتەنشە جاعدايلار دەپارتامەنتى ماماندارىنىڭ ايتۋىنشا، ۇلكەن الماتى جانە اقساي وزەندەرى باسسەيندەرىنىڭ سەل ءجۇرۋ قاۋپi جوعارى. ولاردىڭ اسەر ەتۋ ايماعىندا 5 مىڭنان استام تۇرعىن مەن دەمالۋشى، سونداي-اق وڭتۇستىك استانانىڭ قوناقتارى مەن قىزمەت كورسەتۋشى پەرسونال قالۋى مۇمكىن. سەل ءجۇرۋ ءقاۋپى بار ايماقتا جازعى كەزەڭگە اەروۆيزۋالدى تەكسەرۋلەر جۇرگىزۋ كەزىندە تەك ۇلكەن الماتى وزەنىنىڭ باسسەينى بويىنشا ماماندار ءۇش مىڭنان استام اۆتوماشينا مەن 60 اۆتوبۋستى ەسەپتەدى.
بوگەتتەردىڭ قۇرىلىسى سەل تاسقىنىنان بولاتىن ءقاۋىپتى بارىنشا ازايتۋعا مۇمكىندىك بەرىپ، الماتى قالاسىنىڭ بوستاندىق، ناۋرىزباي، المالى اۋداندارى مەن الماتى وبلىسى قاراساي اۋدانىنىڭ شىعىس بولىگىنىڭ حالقىن جانە وبەكتىلەرىن سەنىمدى قورعاۋدى قامتاماسىز ەتەتىن بولادى.
سونىمەن قاتار، حالىقتى سەل ءقاۋپى تۋرالى ۋاقتىلى حاباردار ەتۋ ءۇشىن ەكى شاتقالدىڭ اۋماعىندا 51 دابىل قۇرىلعىسى ورناتىلدى.
الماتى قالاسى اكىمدىگىنىڭ بەلسەندى قولداۋىمەن سوڭعى جىلدارى الدىن الۋ جۇمىستارىن جۇرگىزۋ ءۇشىن، «قازسەلدەنقورعاۋ» قاجەتتىلىكتەرىنە جەرگىلىكتى بيۋدجەت قاراجاتىنان 2 ەكسكاۆاتور، 10 جىلجىمالى ءۇي، ونىمدىلىگى جوعارى 10 سورعى، 2 000 مەتر سيفون قۇبىرى جانە ءبىر جەڭىل اۆتوكولىك ساتىپ الىندى.