شىعىس قازاقستان وبلىسىندا تۇرعىن ءۇي كەشەنىنىڭ قۇرىلىسىندا ۇلەسكەرلىك نەگىزىندە ينۆەستيسيا سالعان 102 ادامنىڭ 1،8 ميلليارد تەڭگەسى ۇرلاندى. ەكى توپ-مەنەدجەر تۇرعىن ءۇي كەشەنىن سالۋعا جالعان كەلىسىمشارتتار جاساسىپ، ازاماتتاردىڭ قارجىسىن زاڭسىز يەمدەنگەن، دەپ حابارلايدى aqshamnews.kz
جوبانىڭ قۇرىلىس مەرزىمى ۇنەمى ۇزارتىلىپ، اقىرىندا نىسان قۇرىلىسى اياقسىز قالعان. تەرگەۋ بارىسىندا قۇرىلىس كومپانياسىنىڭ ۇلەسكەرلەردىڭ قارجىسىن تارتۋعا قاجەتتى رۇقسات قۇجاتتارىنىڭ بولماعانى انىقتالدى.
سوت سانكسياسىمەن كۇدىكتىلەر قاماۋعا الىنىپ، تەرگەۋ يزولياتورىنا جىبەرىلدى. قارجىلىق باقىلاۋ اگەنتتىگىنىڭ شقو بويىنشا دەپارتامەنتىنىڭ مالىمەتىنشە، جابىرلەنۋشىلەردىڭ شىعىندارىن وتەۋ جانە مۇلىكتى تاركىلەۋدى قامتاماسىز ەتۋ ءۇشىن كۇدىكتىلەردىڭ 2،3 ميلليارد تەڭگە تۇراتىن مۇلكى تاركىلەندى.
ءىستىڭ باسقا مالىمەتتەرى قازاقستان رەسپۋبليكاسى قىلمىستىق-پروسەستىك كودەكسىنىڭ 201-بابىنا سايكەس جاريالانباي وتىر.