ۇلان-عايىر جەرى بار قازاقستاندا جايىلىم تاپشىلىعى دەگەن ەش قيسىنعا كەلمەيدى - پرەزيدەنت

الەمدە قازاقستان جەر كولەمى جاعىنان 9-ورىندا.

دەسە دە، ەلدە جايىلىمدىق جەرلەرگە قاتىستى ماسەلە بار. بۇل تۋرالى مەملەكەت باسشىسى قاراعاندى جۇرتشىلىعىمەن كەزدەسۋ بارىسىندا ايتتى، دەپ حابارلايدى Almaty-akshamy.kz Egemen.kz-كە سىلتەمە جاساپ.

پرەزيدەنت تاپسىرماسىمەن اۋىل شارۋاشىلىعى جەرلەرىنە عارىشتان مونيتورينگ جاسالدى. ناتيجەسىندە رەسپۋبليكا بويىنشا يگەرىلمەي بوس جاتقان 20 ميلليوننان استام گەكتار جايىلىم جەر انىقتالدى. ونى مەملەكەت مەنشىگىنە قايتارۋمەن اينالىساتىن ارنايى كوميسسيا جۇمىس ىستەپ جاتىر. ءقازىردىڭ وزىندە 4،2 ميلليون گەكتاردان استام القاپ قايتارىلدى. سونىڭ ىشىندە 1،1 ميلليون گەكتار جەر قاراعاندى وبلىسىنا تيەسىلى.

«الەمدە 9-ورىن الاتىن ۇلان-عايىر جەرى بار قازاقستاندا جايىلىم تاپشىلىعى دەگەن – ەش قيسىنعا كەلمەيتىن نارسە. وسى كەڭ-بايتاق جەرىمىزدىڭ يگىلىگىن لاتيفۋنديستەر ەمەس، قاراپايىم حالىق كورۋى كەرەك. سوندىقتان، ەندىگى ماسەلە – قايتارىلعان جەردى جەرگىلىكتى شارۋالارعا ءادىل ءبولىپ بەرۋ قاجەت. سوندا عانا فەرمەرلەردىڭ ءوز شارۋاشىلىعىن ادال جۇرگىزۋگە سەنىمى ارتادى»، - دەدى ق.توقايەۆ.